迷住你♡迷人咖啡♡款式多又新@Cafe Charm’s

記得自多年前來過黃埔紅磡一帶後,都無再黎過
最近因最近朋友介紹到附近睇醫生,睇下最近被敏感困擾的面部
睇完醫生後,心情大好,順道行下附近

竟然被呢間'Cafe Charm’s’迷住!

餐廳內好多食客,幸好剛剛有位

先睇餐牌已發覺食物好多選擇,連甜品,飲品都多得我選擇性困難......

由於我跟朋友都吃過東東,所以決定share食
先點了個 Foie gras & Homemade Aus Wagyu Beef Burger (120g)with French Fries鵝肝和牛漢堡 HKD156
份量好足,還有薯條,薯條炸得外脆脆的

鵝肝及和牛都好juicy多汁,味道恰到好處
唯一有點不好,係飽底唔夠香脆
如果唔係吃過野,我相信自己可以一個吃掉,確實太好味

有野食,就當然要有野飲
我點了個'Kyoto Hoji Latte京都焙茶鮮奶',有regular(HKD36), grand(HKD39) and iced(HKD42)選擇,我點了熱regular size...
先睇賣相,焙茶表面有好靚拉花,係一隻天鵝,而味香,焙茶奶濃
個人認為比起其他連鎖品牌咖啡室更好飲

而朋友則點了'草莓戀人'凍飲(HKD45)
單係個名已夠好聽,賣相亦都好靚,白色同粉紅色好浪漫呢
為食的小妹我,當然要嘗一口朋友的飲品^^
好香草莓氣味,好滑好好飲
上面有幾粒草莓作點綴,面層有忌廉加少許奶泡
下層係草莓味道飲品,味道恰到好處

最後當然要來個甜品作終結
‘Charm’s Waffles(Strawberry,Banana)’花漾迷人窩夫(HKD92)
個名又係咁動聽!!
大大個,真係要2個人先食得曬
窩夫賣相都成朵花般好靚
上面放上生果,香蕉草莓十分新鮮,再有忌廉,棉花糖作點綴,中間有兩球雪糕:草莓及朱古力
如果雪糕可以自由選配就好了
窩夫外脆內軟軟的,口感很好

整體食物質素不錯,見到餐牌咁多選擇,好多其他食物都想試,下次又要再黎幫襯了.......

獨特口味♡烤雞@Goobne

前陣子因一套韓劇令韓迷迷上食'炸雞'
在於我竟然不感興趣,可能感覺無甚特別
加上早前到過韓國食過當地傳統炸雞,感覺只有辣,為食的我亦不太感興趣

不過最近吃過Goobne Chicken的烤雞後,一下子改觀

'Goobne’跟以往食開炸雞製作方法好唔同

不經油炸,改用烤的方式將優質雞用烤得香脆細嫩,而且口味多選擇,能做到低熱量,低膽固醇,低鈉,無反式脂肪等,做到真正健康 

每張枱都放有食烤雞的工具

且限制每枱有100分鐘的時間,以令其他客人不用久等,十分公平

烤雞未到前,先來杯'Somersby Apple Rita’(HKD88)

蘋果酒加上酸甜清爽沙冰

大大杯,好夠飲,配合大大碟炸雞同吃,十分匹配

又唔覺烤雞膩

再來一款小食Special Eggs Roll特制雞蛋卷HKD148
由黃瓜,脆黃蘿蔔,火腿,海苔,及芝士以雞蛋皮一層層包裹卷制而成,好似金黃色的韓式紫菜包飯
感覺有點似壽司卷,味道清新,配醬汁同吃味道也挺特別

除左一般食物,還額外有特製醬汁加蘿蔔

最後就係今日重點烤雞
款式多到目不暇給
最終點了'Honey Curry Basasak’
蜜糖咖喱烤雞(HKD168)
甜甜蜂蜜加上咖喱香氣,烤雞外脆內軟
平常吃到的都是一般炸雞味道,此款有咖喱香,又有蜂蜜的甜味,吃上口夾雜鹹甜味道,獨特且惹味,必有一番風味,吃到唔停口,新款烤雞都係第一次食

好想再找朋友來吃吃吃,想起都垂涎三尺,yummy yummy!!~

放工後的晚餐@吉野家

呢幾個星期我媽咪都唔係香港,懶懶的我只好外出晚飯
公司附近商場近近地

我叫左個雞肉鮮蔬飯配可樂
平時食的都係牛肉飯
今次就改改口味
賣相唔錯
雖然只係數十元

雞肉試過都算嫩口

蔬菜亦算新鮮

飯係用珍珠米

食落好香軟

不過此雞飯就唔係我所愛

個人始終較愛牛肉飯或打邊爐

雞肉飯味道不夠惹味

但未試過又點知道呢?

聖誕特飲♡聖誕乾果蛋糕鮮奶咖啡@Starbuck HongKong

一向喜愛嘆咖啡的為食妹
最近發現Starbucks推出一杯特別版
有別以往,最次除了每年聖誕必出的經典咖啡口味
是次特別推出了聖誕乾果蛋糕鮮奶咖啡(HKD42)tall size
唔講唔知,聖誕乾果原來是意大利的傳統聖誕食物,於普天同慶的日子下與家人一起分享

店員一如既往送我杯上一個笑臉

一打開有好香濃乾果蛋糕氣味

唯一係外賣咖啡,忌廉會消失無踪

及飲下時,飲筒太幼,以致一些乾果會倒塞飲筒較難飲下

建議避免使用飲筒/攪攪捧飲用

今個佳節,星巴克特別推出呢款含經典食品的咖啡,喝一口已有蛋糕及牛油香氣,結合特濃咖啡及幼滑牛奶,面層還加上鮮忌廉並灑上香橙,小紅莓及蘋果製成的乾果脆脆,簡直好飲到不得了
香濃柔滑口感,加上香甜氣味,令人喝上一口精神為之一振!

戀上暖心焗茶@茶木

一個人時最好做什麼?
我最愛到餐廳咖啡室嘆茶嘆咖啡

最近愛上一壺壺的暖暖焗茶
係凍凍的秋冬天,飲壺焗茶
不但戀入心,只要用對材料
還可當一壺健體的益飲

好似呢壺好適合女士飲用的桂圓紅棗蜜茶HKD32
有朋友會認為太燥
其實毋須擔心
此店還加添了枇杷花,予以中和

不過個人感覺唔夠足料
可能我平常都愛到處飲類似焗茶
某店份量好足
可翻飲數次

但此處味道還真不錯
甜而帶點微酸
可能是因枇杷花的關係吧
靜靜的一個人,飲後喉嚨好舒服

再配上一個台式蚵仔湯泡飯HKD72
可為整晚畫上一個完美句號

蚵仔十分鮮味,配上一些配料如鮮魷,莞茜
令湯底更鮮更好飯
飯夠軟而不爛
配湯同吃,更是入味至極
易入口又夠香
一個不錯的泡飯

味道好到一人都吃掉@諾亞半熟蛋糕專門店 Noah Castella

平常吃慣蛋糕感覺牛油味好重,有點膩,要把整個吃掉不是易事吧???

但最近有一款蛋糕令我吃到不能停,飯後竟把整個蛋糕吃下,能令我容得下的- 非諾亞的半熟蛋糕莫屬!

最近更推出了新口味-苿莉花及桂花口味, 是次我選了'苿莉花"~ 
諾亞位於尖沙咀星光行2樓誠品生活,地點易找

外賣蛋糕,單單包裝十分討好;店員仲十分細心問我回家路程幾遠,而安排適量乾冰,確保蛋糕新鮮

回到家先放入冰格,如要食用時要取出署室溫放30分鐘即可食用

盒內還為消費者準備好一套餐具,刀叉紙碟,方便到唔洗周圍找用具

諾亞的半熟蛋糕可冷或熱食,同樣美味! 咬下時還吃到像茉莉茶葉片般(是真吧^^?)

冷吃: 會有蜂蜜滲出,涼涼的十分清新;

 熱吃(個人較喜愛): 把想叮熱的放進微波爐大約5分鐘取出,口感好到不得了,而且散發出苿莉花香,食唔停口! 如果你亦喜愛唔太膩的蛋糕,呢款半熟蛋糕確是不錯選擇!~

味之秘密♡雪糕@Tokyo Secret

平常食開雪糕除左味道外,賣相大多一成不變

今次我遇到'它'~Tokyo Secret

單看店面招牌佈置已十分繽紛多彩!吸晴到100%~

有外在美同時有內在美

涼浸浸的秋冬天食冰涼兼賣相咁吸引的雪糕,心情都涼快賞心悅目~

想知我食左咩味?單看顔色你係估唔到

有心思加玩味

每款雪糕都有其主題特效及獨特味道

好似呢款pink secret流心熔岩雪糕

賣相十足嘩鬼,而且會出煙

由多款味道而成

但實際是什麼味道?真係估唔到,店員就給我賣個關子,但味道真的出眾又特別

恨不得每天來吃一杯^^

(原價HKD58/VIP價HKD48)

沖繩之藍(原價HKD48/Vip 價HKD42)

選用3.7高質北海道牛乳

配上獨特的沖繩海鹽

令人彷彿置身沖繩海洋般

濃濃牛奶味,甜中夾著微鹹的味道,口味獨特清新

賣相繽紛,看到都精神一陣

仲有好多其他主題特效雪糕都好想食

下次又要再黎幫襯^^

重新愛上♡屋喔Ocasa(旺角)

記得早前曾經到過另一分店晚餐
當時個人感覺口味麻麻
想不到相隔數月到旺角分店吃晚飯

完全地變得好好食
而服務亦好好
環境亦好清新舒服
好有家的感覺呢

今次我點了個set dinner
十分抵吃
而且用料份量好足
味道亦好好

黑松露野菌蚵仔燉飯HKD72

加HKD28可選配飲品及甜品

個飯完全被香濃芝士汁掩蓋

飯軟硬適中

口感幼滑但唔會稔

加上黑松露野菌

頓時味蕾完全被征服

選飲品必選

蜂蜜桂圓紅棗玫瑰(熱)單HKD36

用料份量絕不馬虎

大大壼

味道夠濃郁夠香

各種香氣滲出

係飲過最好飲

而且店好細心

於出水口加上不銹鋼圈,令內里材料不致塞到出水口及真正焗出其原味

甜品我選乙義式奶凍(單售HKD28)

奶凍好柔滑,有奶香

好食

有時一個人都可以吃個豐富晚餐

静靜悠閒的享受食的生活

鬧市中抵食下午茶套餐♡泰式料理@lemongrass(銅鑼灣)

泰菜一向係我最愛吃之一
早前經過希慎時發現一間抵食餐廳
一個下午茶套餐乜都有都係HKD68
配咖啡或茶及是日甜品

當然又係點我最愛海南雞飯同龍眼特飲^^

泰式無骨海南雞(Hainan Chicken Rice (Boneless))HKD68套餐

賣相好好

豐富下午茶餐

有湯,油菜

海南雞肉質鮮嫩,唯一係我食既呢碟雞唔係雞胸肉,有好多肥肥的東東我係唔食的

味道不過不失

飯係最好食的

龍眼特飲(轉特飲要加HKD6)

好濃龍眼水味道,而且係用椰糖

令味道比出面的更好飲

是日甜品:面層係打碎的瑪莉餅

下層係奶凍

不過不失,大概因附送的吧

整體來說是滿足的,單單價格已覺抵食

奈何服務不太好,可能侍應太忙碌吧??

小姐的晚餐@喇沙大少Mr. Laksa

媽子不在港
一個人只好到公司附近的餐廳食飯

想不到一個人可以食到咁多,可能太好味吧^^

見到有肉骨茶,當然必點,呢餐簡直完美,有湯,有飯,有菜,有肉,有野飲,好滿足~

等我逐一介紹

秘制肉骨茶(細)

有細(HKD70)/大(HKD105)選擇

用料好足

同樣藥材味較重

有點帶苦味

如果不太愛苦澀及藥材味就別選

我個人十分鍾情

珍多椰汁冰(HKD28)

椰汁好多好濃,因此過甜

唯有等冰溶時溝淡甜味

雞油飯(HKD18)

飯軟硬適中

好香

配送同吃更好

可以單點

馬來臘腸炒椰菜苗(HKD78)

味道好好

菜亦炒得好爽

奈何有一點點椰菜苗有爛的地方

令呢道菜有點美中不足

整體來說,喇沙大少的菜式好多選擇

如果成班人食會可以食到更多款式

味道亦不錯,但有改善空間