今晚同家人到附近吃晚餐
剛好食店轉了冬季晚餐餐牌
於是我點了沙茶牛小排套餐HKD64
加白飯及凱撒沙律HKD30
轉飲品HKD14 綜合水果茶(原HKD34)
我一人可把整個餐吃掉!
先講牛小排炒得十分惹味
但有點參差,有些炒得很嫩易咬,有些則較韌難咬
但味道確不錯,配同洋蔥,大蔥及紅辣椒同炒,因此香氣十足
用來送白飯剛好,一濃一清
而飯是用珍珠米
有口感
好煙韌
綜合水果茶好好飲
內有紅茶茶包
熱情果汁加鮮果
好清新,味道酸甜
而味道比外面飲的更加好飲,不知是否加了話梅的關係
凱撒沙律
羅馬生菜好新鮮鮮甜,奈何沙律醬份量略多會較酸
但細細碟賣相不錯又唔會過多十分適中
整體來說,套餐味道不錯,但牛小排賣相有點倒胃
味道不錯
只是有些不夠嫩
下次再來不會再點此款套餐
甜品蛋糕一向女士至愛
我雖係女士但都唔係所有都愛
寧缺勿濫丫麻^^
但不得不提'諾亞NOAH’半熟蛋糕專門店
自從第一次食過其茉莉花茶半熟蜂蜜蛋糕後就愛上了
今次經過又來搜購一個
諾亞最近推出兩款新口味新款式陪大家過佳節過渡2016年
分別係小熊提拉米蘇及小黃鴨檸檬芝士蛋糕
睇落既可愛又好味
不過獨愛士多啤梨的我今次決定買個限定口味半熟蛋糕回家陪食過2016
難得今次發現限定草莓半熟芝士蛋糕HKD169
賣相已夠吸晴
其選料亦都精挑細選絕不求其
整個半熟蛋糕用左'澳洲忌廉芝士,鮮忌廉,日本海藻糖,德國鮮奶,有機雞蛋,士多啤梨,士多啤梨果蓉及糖霜
買回家打開
發覺連包裝外盒都好有聖誕氣氛
成隻鹿角係個盒度
加上橙色外盒包裝更合襯
內里都係一貫諾亞細心
有一套食蛋糕餐具
呢個草莓半熟芝士蛋糕同蜂蜜半熟蛋糕有點不同
只需放上一般雪櫃即可,不用放冰格及只能凍食
未食已聞到一陣陣草莓香氣
蛋糕面層放滿新鮮草莓,加了淡淡芝士溶心,酸酸甜甜,味道適中,開胃又唔膩
入口鬆軟香滑,啖啖草莓粒粒,吃一口又想再來一口,芝士夠幼滑,比起一般芝士蛋糕來得好吃
但個人始終較愛蜂蜜半熟蛋糕
下次再來都還是要買回
確實太好味
加上熱食口感更正
難得放假多天及除夕
當然外出湊熱鬧
路經加拿分道與厚福街交界時被一似甜品又似飲品的東東吸引住
原來真的是甜品加飲品混合體
先講賣相已100分吸引
吸晴度爆燈
而且可自由配搭
有足足5款toppings選擇
我當然選擇心心窩夫,外夠鬆脆,內夠鬆軟,每件都有畫上忌廉及朱古力醬,味道卻不會太甜
中間再有忌廉雪山,外灑上芒果及朱古力醬,內層則有一個愛文芒果雪糕球
下層感覺像由彩虹糖變成彩虹果汁
上層藍橘子梳打,中層係士多啤梨汁,下層則係芒果汁
個人喜歡逐層飲再搖搖,味道頓時變得不一樣,
由逐層濃稠單一味道,慢慢變得像是雜果賓治味道
一款東東就可做成變化多端的模樣口味
不得不讚賞老闆的心思
而且感覺好有心去做
不知眼明的朋友有否發現果汁里好像不斷發光彩虹光芒?
里頭原來有一粒像冰的發光燈,發出不同光芒,而且可帶走
你拿著街上走不其然後會吸引不少途人艷羡目光呢!
提提呢度的食物飲品係不設堂食,只有外賣
不過你毋須擔心大大杯帶出街唔方便
因為它如此設計就係方便我地邊吃邊飲,方便度十足
又可同好友邊行邊分享,幾咁分甘同味!
除左甜品飲品外,呢度仲有好多使用愛文芒果所做的甜品
例如香芒芝士蛋糕,雜果香芒布甸....多款到目不暇給...
但一人食量係有限度,但又想帶手信回家
所以買了一包香芒蛋白餅(HKD18/6件)回家跟媽咪分享
單看外表已覺靚,成朵花般,而且香脆又健康
我買的是藍莓口味,味道有香芒及藍莓香氣味道,有點酸甜,好吃度十足
而且好香脆,好後悔為何不多買數包?
呢度好多主打用愛文芒果做的甜品飲品
相信店主必定是愛芒之人
我也是其中一員
此處已列入我的再幫襯甜品店
我仲有好多想買黎試試的!
難得2人放大假
行經旺角,又黎悠閒一刻
又係點了我最愛焗茶之一~熱水果花茶HKD36
唔知點解,感覺呢間焗茶特別好飲
味道適中,又夠濃郁,唔會好像飲水般
生果香氣好清新
味道夠濃
鮮奶冬瓜茶HKD28
頗獨特飲品,口感幾柔滑
可惜味道有點過甜
但外面難飲到
我平時都愛飲冬瓜茶
溝鮮奶也是第一次
好新鮮呢!
麻辣牛展HKD42
一向吃的都是薄身
呢款剛巧厚切
新鮮感十足
牛展青瓜亦夠入味
奈何好辣呀
麻辣到入心入肺
令我狂流眼水
一向嗜辣的我也覺好辣
自問唔食得辣就唔好試
牛展味道雖辣,但同樣吃得到其牛展肉香味
如果吃得辣的朋友不妨一試
呢度食野感覺價錢合理
味道亦不錯
尤其飲品更合口味
第二次黎
自從上次食過後翻噚味
好喜歡好似真的肉食似的素菜
今次經開上黎食個下午茶醫肚
點了個沙嗲雞肉串HKD46
味道真的像雞肉
配醬同吃唔會辣但惹味
口感像雞肉般嫩滑
賣相好精緻
共有4串
一個人都可吃掉
完全唔覺膩
而且感覺比真的肉串更健康
另外呢款同樣好吃
松露鮑羅萬有HKD78
單單名字夠吸引
賣相亦好精美
面層係松露
第二層十足真鮑魚似的
第三層係類似牛肉般
下層蕃茄
加上醬汁同吃,味道十分清甜唔膩
片片鮑魚口感好爽口,像真度極高
配上蕃茄微酸的味道口感更佳
中間片肉是素齋同樣入味
一個人的下午茶也可好健康
奈何價錢較貴
下次再來要試試快餐
不過呢度既素食不論賣相味道出奇好吃
多吃也夠健康
唐百虎點秋香...三笑姻緣呢類民間故事早已聽看數十遍
糖佰府你又會去幾次?
一直以為係賣字畫,原來係食甜品!
不過提提大家,係糖'佰'府(九龍城)呢間至岩架!
無論凍或熱食甜品種類夠多又獨特
一行人點了幾款唔同甜品分享
各有千秋
如果你都係甜品愛好者又想去食但又擔心
可以睇下我地的分享做個參考!
芒果豆腐綿花冰HKD45加雪糕6元
冰底豆腐味,超柔滑,而且唔係出面間間甜品店都食到
豆腐味道幾清淡
芒果夠新鮮
抹茶雪糕不過不失
如果有單點更好,可以嚐到更清新豆腐味道
法式玉桂蘋果批HKD35
批夠香脆
一片片蘋果味道微酸,配上曲奇雪糕同吃
滋味十足
黎到呢度個人認為係必點,從未吃過一款皮咁脆的蘋果批
拍得住大酒店呢
雙丸椰皇西米HKD38
整個椰皇十分新鮮
每次只用一次,絕不重用,又夠衛生
遠遠已傳來一陣陣椰皇香氣
雙丸西米夠咬口,口感煙韌
而且甜度適中,唔會過甜
無花果雪梨燉海底椰HKD30
夠曬滋潤
好清幽雪梨香味
不過如果味道稍稍減淡會更好
可能因用料夠足,所以味較濃
南北杏燉木瓜雪耳HKD25
同樣滋潤兼養顔
木瓜好清香
味好清
呢2款滋潤飲品飲後喉嚨都好舒服
多飲皮膚都靚d架!
呢度甜品用料份量好足好新鮮
感覺好有心
下次再來,必定要點法式燉蛋
好想試試,可惜今次已經飽飽
