礦泉水火鍋@西餐大排檔

一早已聽過呢間食店
剛巧當日同朋友活動後經過
係時候要醫肚

一入內裝潢又不太像大排檔般
環境較暗,好有西餐廳感覺

店內食物款式多的是
令人看得目不瑕給
最終決定試試呢個礦泉水火鍋套餐HKD588
有日本帶子,鮮魚柳,鮮蜆,西班牙黑毛豬,美國牛肉,日本年糕

或可加錢自選配料

一開始會先倒入礦泉水於火腿及菜作湯底
再由味道較不濃的先放入鍋中慢滾,逐漸放入再濃味的....最後就係飲礦泉水清湯,好清甜呢
個人感覺幾過韌
而份量唔算多
同朋友食量唔驚人的我倆
剛好

飲品我選了名'哥哥'的飲品HKD65
內含菠蘿汁,椰子糖漿及忌廉
甜甜酸酸,好好飲

想不到吃了個火鍋
已飽得七七八八

最後點了一款甜品
日本椰子雪糕HKD68
先講賣相已十分吸引
味道好重椰子香氣,又有奶香
不過2人share食剛好

失望的果汁沙冰@agnes b cafe

早前經過agnes b cafe

口渴下今次不選擇飲咖啡而選擇呢杯雜莓沙冰HKD46

見侍應是真的用鮮雜莓溝冰,用機器打成的

味道一般

但相信絕對無添加糖漿

因為好酸

而且味道不夠濃

相信份量問題

而且每位店員手法亦有所不同

四十幾元買一杯沙冰好似不值

下次還是點咖啡,飲品才能保持質素

最後要一提

尖沙咀崇光店店員服務一般

有新推出咖啡沒有提客人

而且無甚禮貌

有點失望

畢竟是大型連鎖分店

真♡特別♡日式@瀛 ‧ 日式料理 Nippon Japanese Restaurant

記得多年前曾到過坑口村跟友人吃晚飯,至今都未入過……
最近無奈地被朋友召喚一遊,被我發現一間好真好日式料理食店!

一入去已感覺店員十分友善,現在好難發現年青人出來工作態度咁友善呢!

一進內,店員會立即沖泡一壺熱茶給食客,每枱一壺,十分方便,自己斟自己飲,毋須飲完每次又著店員再斟,而且茶好特別用綠茶加玄米茶,平常一向飲的都是單一綠茶/綠茶粉/玄米茶......

而芥辣等亦好新鮮

呷一口清新香茶後,當然要點菜呢,一向喜歡食少少又試多多的為食妹我^^
先來點了'味淋魚乾'HKD65,味道鹹甜都有,口感煙韌,佐酒小吃一流

清酒煮蜆(HKD48)

好重清酒味,蜆亦新鮮,清酒完全滲入蜆,好清香

三文魚刺身(HKD36)

好新鮮,夠厚身豐膄肥美

北海道帆立貝刺身(HKD48)

都係十分新鮮

唯一建議可以使用一些細或長型碟,圓碟感覺太大,刺身好似好少般,令賣相有點不太討好

稻庭烏冬(HKD38)

有冷或熱選擇

我選熱湯

價格唔高,但份量好足,味道及湯底很濃郁

烏冬好有咬感

食唔停

不過在我覺得太大碗,如果份量可少點會更好

去到邊為食妹都要餐後食甜品或雪糕作結

此處雪糕口味雖不多但很獨特

好似我點的以下兩款簡直好吃到不得了

日本紫蕃薯雪糕(HKD18)

好有蕃薯味道

好似正在吃蕃薯般

日本柚子雪糕(HKD18)

柚子味好清新

而且吃到點點柚子肉

好好味

放心食放題@瀛川日本料理

為食妹最愛到一些食肆,有多款式任選的
最愛當然去放題啦
呢間店如果食客於生日期內光顧,仲有特別優惠
剛巧我的生日月呢

呢度同樣任飲任食
環境不錯
睇下我地成班人食過咩??

放題最好同班朋友
貪其款可揀多多

有烤物,串燒,炸物,刺身,壽司,小食,小菜款式,飲品亦多多選擇
奈何太多了,不能盡錄
以下係個人覺得味道唔錯的
值得推介

雞軟骨串,味道好好

鹽燒牛舌串

有香烤及鹽燒味

炸芝士年糕及芝士波波

外炸得脆脆的,內里則流出芝士及年糕餡

好香呢

剌身同鹽燒海蝦亦好新鮮

海蝦大大串,絕不'小氣'

鹽燒雞中翼

燒得夠熟但肉質還算嫩

壽司不過不失

牛筋腩

好入味又唔會韌口

牛油燒蕃薯仔粒

好香牛油香味,內里甜甜,yummy

牛油粟米

好香牛油香味

粟米清甜

一人可吃掉2碗

牛油焗帆立貝

同樣有牛油香味

灑上蟹籽

好美味

天婦羅炸蝦

外層炸粉好適中

內里熱呼呼

蟹皇翅,好夠味

蟹香濃濃

絕不被醬油味掩蓋

蒜芯炒魷魚鬚

味道一流

不過較愛吃蒜芯

夠爽口

呢度真係好多唔同款式選擇

而且絕不馬虎

係朋友相聚食飯落腳店

唯一要留意係時間

畢竟係放題

♡愛上泰菜♡愛上早午餐@盡在泰園

由於10月係我的生日月
朋友就自費請我食飯
她特意帶我來食呢個全新的泰式早午餐
就係因為呢個餐令我愛上呢度既泰菜,點解可以咁好食呢??

價錢??相片?食左咩??
睇下我以下的分享啦^^

其實頭盤任食,每次落單可選3款

不過我倆都十分細食

所以只點了一次

下面的只是想分享其味道

因為沒有依次序介紹

刺身四點

刺身好新鮮

好岩我

鮮味十足,毋須醬汁都夠鮮味

生蠔有我愛的海水鹹味

嘩!鮮鮮鮮

泰式特製豬手

夠入味

豬手肉唔會咬到牙崩

泰式燒牛肉沙律

酸酸辣辣

燒牛肉夠入味

好味道爆燈

豬頸肉清湯河

豬頸肉不過不失

相反湯河的湯完全滲透河粉

夠曬滑

小心滑落口喉呢

冬蔭功海鮮湯

個人愛飲冬蔭功湯當然讚

而且有海鮮味道完全地跟湯溶和

喝一碗精神一振

蒜蓉牛油雞翼

好香

外煎炸得香脆

內雞肉仍保留嫩

甜品應該係每個女士至愛

芒果黑白糯米飯

千層糕

榴槤綿綿冰

全部都好好食

椰醬不會太'杰'身,糯米飯唔會太硬太軟

黏黏的,十分煙韌

芒果夠甜唔會酸

千層糕則滲出微微椰香

軟滑

榴槤味綿綿冰好獨特

個人好愛那股榴槤味,加上綿冰涼涼的

十分好吃

但唔愛榴槤的朋友就免試了,因榴槤味好重呢

呢度食物質素不錯,值得再試

一餐盡在韓式手做甜品@冰雪公主

想不到呢間食店會有鹹食

款式尚算特別
就算食上早午晚餐都無問題

碰巧當日途經,2人有點肚餓,但又未想吃太飽
於是就入內飲杯野
講講下忍唔住就點了個意粉食

泡菜豬肉意粉HKD68
想不到其鹹食水準不錯
配合泡菜同煮
好有韓式感覺
有點酸辣感覺,好入味

各指仲點了一凍一熱飲品

美式咖啡HKD32(HOT)
拉花好靚
味道亦不錯
不過不失

海洋檸檬梳打(ICE)HKD40
清新
酸酸甜甜味道
解膩一流

坐下坐下最終2人又按奈不住點了甜品
份量巨大
原來2人係吃不完
城堡雪花(HKD88)
雪花當然不用置疑好食
好地道乾式雪花
其他材料亦足
有雪糕球,威化餅.....不過個人不太愛吃,希望全換成雪糕雪花^^

呢度鹹食甜食飲品都不錯
值得一食再食