無限時的仼食👍🏻味美@金甲韓國料理(旺角) 金甲韓國料理 (旺角)

放題仼食食得多，但這間韓國料理仼食得令人放縱盡情
地方大大，坐得舒服，環境乾淨，成班朋友都唔會迫，而且仲可以無限時，食到你夠都得，真超值，款式又多，已經列入小妹再光顧之食店了

真係食物超多選擇，又可以慢慢食慢慢嘆，完全唔急趕，睇下下面的相就可知超多選擇，而且某部分食物更是不停時*更新呀^_^

單單韓燒的食材就已經選擇多多，味道亦有多種，醃得入味適中，肉類亦新鮮，未有食到異味或雪味，以仼食來說算是不錯

韓式前菜亦多達10款以上，味道也不錯

仲有其他各款食物，真的花多眼亂

想不到薑醋都有，味道還可以吧，可能是仼食關係，味道略嫌不夠濃及入味，但整體還算不錯了

仲有各款冰凍甜品，奶凍啫喱等等

仲有蛋糕，卷蛋等等，選擇真不少，單看都飽

生果亦係供應完會轉，前一轉是橙，現在是西瓜，令人感覺有新鮮感，且更新鮮，不會一次過出幾款生果，供應完畢再轉第二款，個人幾欣賞這個安排

韓國料理，當然少不了來一碗人蔘雞湯，用料十足，味道不錯，人蔘味雖不太濃烈，但個人卻偏好這絲絲淡淡的人蔘味，配上雞，整體味道討好，自己都飲了2碗呢

雖然仼食，但為食的我愛試但吃得不多，款款想吃但怕浪費，我們2人只好每款取少許至適量，以滿足口腹之慾

當晚其實有點累，因此食物款式雖多，但都沒有太大心機慢慢韓燒燒燒，於是懶懶的我倆把所有都放上去燒.......味道真的好好，個人最愛食其多款不同大小味道的魷魚

最後不少得的生果，還有冷素麵～
仲有仲有我最愛飲的豆漿及食碗豆腐花，好滿足呢
不過要提提豆漿是自家製，因此味道跟家中弄的一樣有點感覺焦焦的味道，感覺更天然新鮮

豆腐花亦不錯，配上黃糖同吃，好味美，但要趁熱食，我放涼了會令口感及味道變差哦

下次跟朋友聚會，這裡真的是不二之選，可以慢慢聊天之餘，慢慢食又唔會急趕，而且每位人頭費又唔會高，十分合理，不錯選擇！