2016年9月30日 星期五

食物飲品味道不對@XOXO Cafe Lab(KowloonBay)

         
屋企人去成個禮拜郵輪假期,獨自一人最好外出吃飯

剛好當日晚上要睇戲

晚飯前係附近吃個晚餐,可能時間尚早,見餐廳環境不錯,暫時有位就決定入內吃飯再睇戲 先來杯冰茉香珍珠奶茶HKD28

賣相不錯,大大杯,味道不會太甜,十分適中,茉莉奶茶好滑,加入粒粒珍珠有口感 奶香十足 再來一個紅燒牛肉麵HKD68

湯跟麵分開上,十分好 賣相亦討好 牛肉湯底濃郁,牛味香濃,不會膩

牛肉口感不會太韌太腍,很適中

麵質口感彈牙,湯完全滲入當中

味道很好

加上半隻糖心蛋

更是錦上添花

2016年9月29日 星期四

選擇其多😍花多眼亂@至尊滿屋(旺角) 至尊滿屋日本料理



這間放題真的不能不讚

款式選擇係最多最多的一間,今晚同朋友黎點了好多
多得目不暇給,應接不瑕
先來飲品夠獨特,有我平常愛飲的啤酒款式,又有有汽利賓納

解一解渴後,要醫肚
先來串燒炸物

燒蕃薯仔,燒花竹蝦,羊鞍,泰式醬牛肉,鰻魚

款款燒得適中,味道入味又惹味,食物新鮮,唔會有雪氣味,特別係鰻魚,外面的放題店都未吃過,啖啖肉,味道調得好好,又香又味美
色澤燒得好靚
這款蘆薈沙律亦是第一次吃,味道微酸鮮甜,口感好像吃椰果般,但比較軟,好吃
天婦羅炸得香脆,味道剛好

特別愛吃當中的秋葵,有益又特別

蕃薯南瓜清甜,蝦夠彈牙
牛油粟米粒好香好甜,煙韌好吃

而螺片炒蒜芯亦都好味,螺片入味有口感,如果再厚一點口感會更豐富更好吃
湯亦好飲

南瓜湯,少許甜,飲落有絲絲南瓜蓉

鯖魚湯,鮮魚香味,清而不膩,有點胡椒粉的少許辛味

清湯烏冬,湯幾好味,烏冬彈牙,加上粟米粒及鳴門卷同吃,十分有口感
刺身壽司新鮮,款式好多

害我不斷點,而且整得好美美

仲有海膽手卷,壽司講得出都有

味道不錯

多得真的一人吃不完
天婦羅及亦好多款式

當中炸帶子啖啖肉,大大粒,口感豐富

奶黃包亦好正,還是第一次吃,平時食的係蒸,呢款尤如炸饅頭,當中奶黃幾好食
食得飽飽,最後來個各款精緻甜品,有馬卡龍,芝士蛋糕,朱古力蛋糕,味道都幾好
仲有好好味的雪糕,每人一個雪糕,上次吃過呢款意式奶凍口味好好味,今次亦推介朋友都選這款口味

這裡真的不錯,款式多到2人吃不完,下次還是相約大班朋友一同吃吃吃吧!

2016年9月24日 星期六

畫中甜品@ATUM DESSERANT (CausewayBay)Featured Review焦點食評

                   
女人永遠對美的事物趨之若鶩
甜品亦係好多女人情有獨鍾的
一直知道ATUM的甜品畫有美感又有味道
充滿視覺藝術
真係好吸睛,全靠甜品師一對巧手及心思一步步堆砌,先可製作如此美麗的畫,當中使用了多款不同味道顏色糖漿,液態氮做的雪糕,不同口感味道的甜點,充夠2人份量
一次過可嚐到多款甜點,大大粒藍莓,紅莓,柑桔啫喱,朱古力奶凍,紅豆忌廉,布甸,粉紅莓脆脆,焦糖脆脆,各具特色味道,而且唔會太甜,有香脆口感又有香軟,滑嘟嘟口感,十分有層次,味美無窮!!
左下角仲有我自己用朱古力漿寫的名
中間係用液態氮整的雪糕,極之好味
靚到唔捨得食呢😍😍
另外此款果茶也係重點必點,單看賣相已好吸引
果茶由多款莓及鮮果而成
Signature fruit tea
HKD56
When the tea mix with the fruit, it won't make it become sour and still can be the same taste as normal, but you can smell the scent of the fruit
It also reserve with a cup of honey, you can mix together or not, if mix, taste is a little bit sweet....just see whether the taste you like
Here you can find many kinds of unique dessert options, as you never find outside!

有格調❤️新嘗試的第一次@JL Cafe Kitchen(Tin Hau)


                 

早前跟朋友去活動,完後剛經過這間新開Cafe Kitchen,見其環境好好,甚有格調,座位舒適,環境整潔乾淨,燈光昏暗,好有感覺呢! 座位間好闊落寬敞,燈飾好精緻 未點食物前,先來一壺水果花茶HKD50 水果花茶用料十足,絕非隨便放少許水果而已,而且看得出水果新鮮大粒,有菠蘿,士多啤梨,藍莓等鮮果,當中還放著粒粒玫瑰花,令其香氣更充分滲透散出 味帶點微微水果酸甜味道,及玫瑰花的清幽
呷一口喉嚨十分舒服
而且沒有添加的味道,感覺天然舒服
十分討好的花茶 主菜
龍蝦汁海鮮意大利飯HKD138 龍蝦汁好香濃,未食已聞到其香氣 外型同樣不錯,面上的火箭菜
中間的大蝦及青口
下層的意大利飯 口感甚佳,飯的質感絕不過軟,煙韌度十足,味道夠入味,當中夾雜籚筍,帶點爽口,味道濃郁但不過膩,非常好吃,龍蝦汁完全滲入飯中likelike

本身晚一點都會吃晚飯,所以就不吃太多,最後還是2人共享一個甜品吧
雜果窩夫HKD68
份量十足 鮮果分別有蘋果,香蕉,士多啤梨,蜜瓜
另配上朱古力醬,忌廉,兩球雲呢拿雪糕球
4塊香脆十足的窩夫
鮮果十分新鮮,即點即整
窩夫夠香夠脆,絕不求其,配上鮮果加雪糕等同吃,味道更佳,口感層次更豐富,味美無窮 整體份量好多,夠曬二人同吃,這個價錢質素不錯,而且環境好舒適,不錯呢!下次會再來的~



2016年9月15日 星期四

驚喜😋比利時朱古力半熟芝士蛋糕@諾亞(九龍城)

              
剛好跟家人到九龍城食自助餐 經過諾亞順道買了個比利時朱古力半熟芝士蛋糕HKD99 一向都有惠顧其半熟蜂蜜蛋糕,今次反而想嚐嚐其半熟芝士蛋糕,頗有驚喜,原以為一定好甜,相反不太甜又不太膩,比利時朱古力微苦,喜歡吃黑朱古力的朋友必定喜愛 而配上半熟芝士蛋糕同吃,味道十分恰當適中,口感幼滑而香濃,吃後味蕾上還留下絲絲的比利時朱古力味,非常好吃 其實賣相幾好,可惜我帶回家沒有即時食,令其稍稍變得不討好,不過絕無影響其好味

除了本身蛋糕好吃,其包裝亦十分吸睛,橙色好搶眼 而且還有餐具配上,好細心,不用食時要到處找餐具,買回公家跟同事分享亦很不錯 蛋糕以外,其燈膽樽身的日式玄米奶茶亦係必買
價錢公道,味道香滑不太甜,入口還有粒粒玄米,有口感又好飲,好好味呢