回味無窮😋清鮮甘甜香@四季文昌（太子 / 旺角)

經朋友推介，這間食店不但裝潢精緻有特色外，食物也是吸引好味，於是來潮拜一下

裝潢真不錯，吸引好多朋友拍照留念

地方十分寬敞，似乎這裡食物太好吃，那麼大的地方都坐滿食客，店員都忙個不停

事不宜遲，來個椰皇解解渴，等位等到累，質素不錯，清甜

再來今日的主角椰子雞鍋(HKD238一隻)

雞十分新鮮，沒有雪藏味

椰青水及椰青肉的湯底，十分清澈

大約煮沸後，可把鮮雞放入同煮以增加鮮甜味

待滾後即可嚐嚐，湯清甜而不膩，氣味清澈而幽香

雞肉吸收椰青香氣後，更鮮甜，雞肉嫩滑，店員建議點上這個醬汁同吃會有另一番風味

之後要加入這個日本直送蔬菜籃，十分新鮮嫩綠

經椰子雞鍋的湯所浸透，蔬菜更清甜，口感爽脆，非常好吃入味

這裡食物款式選擇亦是十分多，奈何我倆二人確是食得不多之人，這已夠我2人飽了一頓，看來要再嚐嚐其他食物必定要大班朋友來才可多試其他，現在也在回味呢

味美吞pot雞煲火鍋@Lazy Pot(旺角)

                          

原來過左9點半後入座有7折，勁抵食

我地點左個辣酒花螺雞煲(半隻)HKD148
大大煲份量十足，味道十分惹味，辣味加酒好匹配
選了bb辣但辣度同樣勁

雞肉完全滲透辣酒的味道，還有花螺的鮮
雞肉好嫩，而且唔會麻同過甜，味道算是中高上，這個價錢很不錯

而花螺有嚼勁口感，好正的味道，亦完全滲入雞鮮味及辣酒，一個雞煲就可食到兩款食物好好，而且算是新鮮的配搭！

久別了的吃在元朗@薄荷葉泰國菜

昨晚係元朗行完街就係附近睇下有咩食 

原來係元朗劇院斜對面有間裝潢好特別既泰國餐廳~

我同朋友都俾佢種滿植物既門面所吸引

而且餐廳入面客人數目都不少

所以就試下啦!

好彩都唔洗等位就可以入去坐啦 

餐廳入面掛住充滿泰國風情既燈籠

燈光昏暗配上餐廳播放既泰式音樂

好輕快的節奏

真讓人產生一種頓時逃離了繁忙的香港, 去了泰國渡假的感覺, 好放鬆好RELAX~~~

餐廳的餐桌用具都擺設得好整齊, 再看看MENU, 看下看下, 我們好像什麼都好想食, 因為光是圖片都已經好吸引了~~~ 亦好有地道泰國菜單的感覺!! 

好多人都會有飲過冬蔭功, 但呢個椰汁雞湯HKD78我同朋友都覺得不比冬蔭功差, 我甚至覺得椰汁雞湯比冬蔭功更合我口味~~~~ 佢既椰香一開蓋馬上一湧而上, 撲鼻而來的那股濃香, 不禁令口腔的每個味蕾都在打轉 <3 <3 侍應幫我地將湯分到小碗中, 第一口飲下去, 真是好有椰香, 又好細滑再配上一些小蕃茄, 増加了清新的感覺, 而湯入面放左好多泰國既香草同薑, 更把那味道再再提升~~ 現在還在回味呢, 嘻嘻…

另外, 我地點左泰式燒豬頸肉HKD78同椰青鍋飯HKD88

呢個泰式燒豬頸肉我同朋友都好中意, 燒到好香, 外面香脆, 豬頸肉既肉質好嫩滑多汁, 加上餐廳特配自家醬料作點綴, 真係會食完一塊再一塊咖, HAHA… 

而呢個椰青鍋飯, 本身諗緊會唔會成個椰青咁上, 好似菠蘿炒飯咁成個菠蘿上, 誰知道係一個不銹鋼碗再用個木桶裝住,炒飯唔錯, 有蝦有青口, 飯有點濕身, 可能用左椰青汁, 入口有少許椰味, 還不錯的~~~

有野食當然有野飲,
我點左杯士多啤梨特飲HKD28, 好清新好有夏日既清涼感~ 仲有粒粒果肉, 增加了不少口感~~~
不過唔'好'飲品既好友就只飲水水......=="太蠢了

由於好友不愛甜食, 我只好放棄我至愛甜品......下次如果再黎元朗必定要再黎....~~~~!!!