2016年2月29日 星期一

精緻放題@八幡屋日本料理

一向為食的我,愛多款式但又食唔多的我,最好去食放題
最近去左'八幡屋'
呢度的食物岩曬我,夠精緻又唔怕浪費
加上今次得我地二人
此處確是不錯選擇
二人都係HKD396,每人加HKD50更可升級放題,生蠔任食,正!


每款食物的份量唔會太多,十適中
不如睇下我地點了什麼??
由於唔想浪費食物,我地都每款點一份,貪其可試多多但又唔會飽到吃不下其他
呢款沙律十分新鮮爽脆,小小份量岩曬小小的我,味道不過不失

生蠔呀!我至愛食物之一
十分新鮮,一啖一件,味道好鮮,雖然任食,但絕不欺場


仲有指定必點刺身,夠曬鮮甜新鮮
款式算多,三文魚特別肥美

另外壽司有鰻魚選擇,平常外面放題好少有得選擇,份量唔會太大,多吃幾件也不是問題
味道不過不失

炸廣島蠔,芝士球及辣椒,炸得恰到好處,捧上來時熱呼呼
味道亦唔差,外夠香脆,且唔會太油

呢碟十分好笑,對比好大
因小妹唔想食太多,所以只點了各一
小蕃薯夠甜,粟米亦同樣清甜,好味

呢碟賣相雖差,但味道超好
只是將羊架及雞泡魚乾撈作一團而已
羊架夠惹味又唔會韌
雞泡魚乾好少放題有得食
十分好味,亦唔會太硬但好入味,微甜,我的至愛




仲有軟殼蟹手卷
軟殼蟹夠脆,飯夠黏
仲有蟹籽,不錯,絕不遜色雖然係放題

單看碟已十分好看!
我只點了一串帆立貝,味道正常,有點點醬油味道同時唔會過鹹

好吸晴的壽司,有5款,味道幾特別,有別於別的壽司
下面係燒菠蘿,夠甜,微酸,好開胃



汽水選擇亦夠多,唔會係低成本飲品,其實仲有清酒選擇
可惜另一半唔飲,一個人唯有放棄





炸蟹仔,香口香脆,味道一流
成隻吃掉即可
全晚最愛

仲有精緻又袖珍的碗仔翅,辣炒花螺,豉椒炒蜆
仲有粟米湯夠曬香濃
碗仔翅味道適中唔會鹹,材料夠
花螺辣度適中,份量剛好
蜆味道中等,而且好香
整體味道不錯



食到飽飽,最重要來個甜品作結係指定動作
呢度甜點來得精緻又獨特,好似左面個粒外面精瑩剔透啫喱,內里係一片櫻花花瓣,如和果子般
中間芒果奶凍唔會好甜,口感柔滑
另外炸香蕉亦不錯,外脆內





最後,來個芝麻雪糕加糯米糍,冰冰涼涼好解膩

另外一提,呢間放題,落單後好快就上菜,而且無漏單情況
我個人幾滿意,加上食物份量唔會好多,就算唔係成班朋友,想試齊都無有怕!







2016年2月28日 星期日

地道韓菜@韓膳宮

韓膳宮呢個名字,不禁令我想起多年前的一套韓劇'大長金'
就係呢套戲令我認識韓國料理

韓國料理,又稱韓食,韓國或朝鮮菜,朝鮮料理等,韓國料理以清練為主,少油膩,大多有辣,而且十分重視擺盤
韓國料理有着陰陽五行的思想,即是將'鹹甜酸苦辣'五種味道跟'紅綠白黑黃'五種顔色融入菜餚
因此韓國菜擁有非常繽紛的色彩

就是如此,令我對韓國菜式趨之若騖
是晚跟朋友來到'韓膳宮'



此處環境不算寬闊,每位多以4人座位為一枱



先來前菜,真的色彩繽紛,味道有甜酸鹹苦辣
各款前菜都份量不少,味道好好

黎到此必定要一試其生醃醬油蟹HKD138
蟹味濃而鮮
醬油醃得蟹十分入味
入口好夠滑溜



另外點了枝韓國啤酒(OB,Hite)HKD22
味道較淡
平常有飲啤酒的我反而不太喜歡呢款味道



今次到韓膳宮主要食鐵板燒
先來個鮮帶子HKD130
一早已用黑椒汁醃過
味道更惹味
燒時滲出黑椒及帶子香氣
入口吃得出其鮮甜彈牙



食鐵板燒,點少得肉
呢款烤肉雜錦拼盤(大)HKD380
千萬不要錯過
一次過吃到雞,牛肋骨,牛肋骨肉,牛脷,五花豬腩肉
各款肉類都醃了不同醬汁



燒時肉香四溢
雞夠嫩滑,用黑椒汁調味,微微辣度不錯
牛肋骨則牛味十足,肉質煙韌夠入味
牛脷夠爽,味道不錯
而五花腩肥瘦均稱,食落口十分甘香,味鹹而不膩



整體呢度食物款式夠多,味道亦不錯,唯獨想點海鮮拼盤時卻沒有來貨,有點失望
如果餐牌上顯示的食物都齊全,會更好!

2016年2月27日 星期六

抵食放題♡任食生蠔@赤山日本料理

小時候常跟家人到新蒲崗附近食飯
自從人大了就好少再來
最近又跟家人來到新蒲崗廣場
發現了一間放題
它的賣點係任食生蠔
十分抵
一入內已有個大櫃放滿了飲品
仲要款式不少
下層仲放滿甜品,有涼粉,鮮果

冰凍紅豆沙

芒果布甸,啫喱

各款甜品精緻,不過天氣涼,冰涼甜點還是不太想吃

中層有中華沙律及螺肉

鮮菜沙律

有個大雪糕杯櫃

另外要一提就係有自己沖調的柚子蜜或菊花蜜,可因應自己喜好而取份量

講左咁耐,係時候要食野
今晚賣點
生蠔仲有刺身
各款都十分新鮮

生蠔肥美,鮮味十足,還有絲絲海水味

仲有壽司,份量唔會太大,但味道不錯

呢款迷你版釀蟹蓋好特別
味道很不錯,唔會太鹹,而且好香

烤羊架
味道好入味,香味十足,但唔會烤得過韌

烤粟米味鮮甜,口感十足

各式天婦羅炸得外脆內軟,蝦夠鮮甜,蕃薯軟甜

最後要食個紅豆沙糖水(熱)
要一讚此處紅豆沙,味道適中不會太甜,仲有粒粒豆豆好好味
加個冰涼紅豆味雪糕作結

赤山放題任食2小時
星期六每位HKD228加一服務費
食物款式夠多
唯獨有點美中不足係其某些食物係最少2件上
如果食唔到太多又想試既朋友要留意自己個胃食唔食到了,以免做成浪費!


鮮@九重燒

韓國係我愛旅遊的地方,特別其美食更係趨之若鶩
而食海鮮一向亦係我至愛
韓國同海鮮又有咩關連?
其實我想介紹'九重鮮'
一直想試,可惜要我跑到大坑確實困難
最近其開了間分店,地址方便,位於紅磡
於是就跑來一嚐
一入門口已發現其大名

環境好大好舒服,牆上裝潢別緻

餐廳內放了個大枱
有多款前菜,冷盤,沙律,咖啡機即磨咖啡及奶茶供客人自行享用

款式多不勝數琳瑯滿目


我的咖啡


事不宜遲,海鮮塔來了
由於2人份量的套餐所以會用5層塔上

塔上插了個温度計
令食客睇住度數打開即可享用


我地呢個係首爾塔HKD319/位
第一層:蟶子及象拔蚌
有少許󰀂車厘茄,瓜及菇作點綴
顔色好靚
所有海鮮蔬菜都好新鮮鮮味
咬落口有口感

個人喜歡不加醬油食,味道更鮮



第二層係元貝,海蝦,北寄貝
元貝有薑蔥配上味道更鮮
海蝦夠彈牙鮮甜
北寄貝煙韌



第三層沙巴肉蟹,日本南瓜,大花蛤
肉蟹多肉鮮味,啖啖肉
木瓜鮮甜
花蛤新鮮,味不錯


第四層蝴蝶蚌,木耳,新鮮花尾龍躉
龍躉夠滑溜,鮮又甜
蝴蝶蚌同樣新鮮

第五層,亦係最後一層
日本蕃薯,日本南瓜,海螺,粟米,鮑魚
蕃薯南瓜好鮮甜清新,海螺有嚼勁,鮑魚鮮,韌,好味道




最後記得食埋塔底的人蔘雞湯粥底
識食一定先食其當雞中糯米,再飲湯,鮮味十足
雞肉嫩滑,糯米夠煙韌香糯


仲有另一食法,加入即磨胡椒,,味道更惹味

整體十分滿足
一次過食盡多款時令新鮮海鮮
嚐盡鮮甜
不錯呢
吃後回味無窮