提起西班牙菜及其飲食,孤陋寡聞的我一直原以為主要係得辣肉腸,西班牙涷湯,橄欖油等等......
其實係包含許多菜系，並根據不同地區的文化,歷史或氣候而改變.....
最近我經一位朋友推介來到PLAYA DE PAPAGAYO,令我嚐到另一種的西班牙菜
餐廳位於K11商場後面,由地鐵站N1出口,只需步行約1分鐘就到達,方便就腳
甫一入內,即點了杯Royal Sangria HKD58
(後尾付款時才發現係White Sangria HKD52,落錯單有點失望,何想而知我幾唔了解西班牙飲食==”)
算吧,既然飲了,先講其賣相色彩繽紛,由多款生果在飲品內游動,單看十分吸睛又夠清新
睇落去好似雜果賓治呢
太吸引了
多影幾張也無妨
另外有否發現有一枝啡色的棒棒在杯中?
原來呢枝係一枝玉桂味的棒棒
用以攪拌呢杯飲品
飲時散發出一絲絲玉桂香氣
呢杯飲品除了有白酒外,還有一款青蘋果味的杜松子油調和而成
味清而不膩
且出奇地飲唔到有酒的苦澀味,不錯!
題外話,大家知唔知道Sangria係如何做出來?
據了解,要調出呢杯酒係需要多花一點時間的,先用冧酒做底,同時用上唔同的水果(眼見的),再要用長時間去浸,然後才加上唔同酒先做出呢杯酒,真不簡單
有酒飲,西班牙小吃不可少
西班牙火腿拼盤HKD128
一個拼盤可一次過品嚐3款西班牙美食:16個月白毛豬火腿,辣肉腸,沙樂美腸
廚師擺放得好精緻
白毛豬火腿夠鹹甘香,用以佐酒十分好
辣肉腸微辣且鹹鹹的,而沙樂美腸雖然也是鹹的,但就沒有了那份辣味
另外還有哈蜜瓜,薄脆及青瓜等配上,令食客不至於只食火腿及腸,有需要時可適量以配菜稍稍調和鹹味
不錯呢
份量亦不少,一人下午茶確實會多,2至3人份量剛好
除了tapas,,還點了個自家制毛蟹肉漢堡配炸薯條 HKD118
呢款係我第一次係西班牙餐廳酒吧吃到的
炸薯條炸得夠香脆,味道亦調得適中,唔會過鹹
而呢個自家制毛蟹肉漢堡更是特別
飽的上及下烘得香脆,唔會腍
蟹堡則煎得外脆內軟
中間還夾雜青瓜,沙律菜番茄加美味沙律醬
毛蟹肉味鮮甜,蟹肉份量好足
食落口啖啖蟹肉
而且不會吃到過多的粉漿
好一款獨特味不錯的蟹堡
整體來說,PAPAGAYO食物質素不錯,飲品食物種類選擇多,
環境氣氛都好好,好適合三五知己閒聊暢飲飯聚的落腳點~
沒有留言:
張貼留言