戀上冬日♡暖在McCafe~薑餅人咖啡

每到冬天

我最愛的薑片人咖啡就會回歸

今年用上Snoopy and friends圖案杯盛載

以配合其大電影於戲院播放

為食妹最愛的咖啡口味之一

 呢度既咖啡同其他的好不一樣

薑餅係用糖醬配咖啡打出來

飲下有一點微微的薑辣味同時甜甜的

每年我就等呢一杯

飲上十幾杯也不在話下

外賣回家後,奶泡仍在

還微暖

當然喜歡熱呼呼的

就得靠微波爐了

而且定價中杯裝都HKD29左右

完全超值

味道又唔錯

愛你薑餅口味

咖啡口感亦好幼滑

悠閒下午♡薑汁鮮奶咖啡@StarbucksHongKong

一向愛薑味的食品飲品

開始放大假的我,悶悶地到了Starbucks.買來一杯咖啡嘆下

今次選擇聖誕經典限定特飲~ 薑汁鮮奶咖啡

一口飲下有如薑餅曲奇的味道,結合了特濃咖啡及幼滑牛奶，面層的鮮忌廉融入香料後滿載辛香氣息，個人感覺像玉桂香氣,配上厚滑黃糖醬,幼滑細膩,暖意滿載

不過個人較愛另一間的口味

下午茶輕食之選♡迷你蜆殼粉雞肉沙律@PacificCoffe

為食妹無無聊又找野食

剛好發現Pacific Coffee有位坐

於是點了個迷你mini shell pasta and chicken (HKD19)

賣相不錯

唔知味道如何?

材料好新鮮

味道亦不錯

但粉有點稔

雞肉最好食,醬完全滲入雞用

菜亦較新鮮

略嫌份量太少,連下午茶都唔夠飽

售價以連鎖咖啡店來說算經濟

而且質素唔差

建議配杯咖啡

飽足感會更好

好友共聚♡聖誕餐@Pixel Cafe(油麻地)

聖誕節氣氛越黎越濃,最愛除了放假外,少不了與好友共眾,來個聖誕大餐!

剛好近日相約友好們到了位於油麻地一所樓上咖啡室來個飯聚,咖啡店推出了多個專為聖誕節而設的聖誕套餐

先睹為快,望梅止渴,看看我地吃了些什麼?
希望令你有個idea想想聖誕節跟好友如何度過?

咖啡室已佈置了好多聖誕裝飾,甚有氣氛

聖誕餐包括'頭盤,主菜,甜品及HKD43飲品一杯(其他補差價)

先來個鮮雜果沙律,鮮果新鮮,沙律醬味道調教得不錯

之後每人來杯飲品

 榛子朱古力咖啡

朋友告知味道拍得住某連鎖店咖啡店的咖啡

下次來必點呢

賣相好靚

Ocean(梳打水,蘋果糖漿)

友人感覺味道不錯,但略嫌梳打水份量較多

而一向無花果茶不歡的我,當然還是點了最愛綜合水果茶(mixed fruit tea)

單點HKD58/跟餐HKD15

賣相顔色不錯,但個人略嫌份量太多,以致果茶味道變得較淡

但水果香氣卻好清新舒服

一班朋友,還有一事好好

當然係可以share食,咩都可以試試,又可以多叫幾款

主菜:有5款任選一款

我地揀選了2.香草忌廉汁煙三文魚大蝦天使麵(HKD138)

全個餐價錢係睇睇你揀選什麼主菜

整個的味道很好,好香,香草忌廉汁滲入天使麵,唯一感覺天使麵煮得較稔

三個餐中最愛食呢個

秘制香草烤春雞(半隻)HKD148

肉質烤得好鮮嫩,但好像有點不夠熟,可能是為保持春雞肉質嫩

但烤得好香加上秘制香草,味道好入味

美式BBQ醬焗豬仔骨(HKD158)

味道夠濃香,豬仔骨肉夠厚,骨肉相連,配上厚切炸薯仔

BBQ醬令整個豬仔骨有如畫龍點晴

好惹味

甜品

藍莓芝士蛋糕

蛋糕不太實,但芝士味不錯

除了藍莓味道,仲有原味

我自己則選了迷你意大利咖啡芝士餅

味道不錯

不過略嫌太迷你

甜品怪的我當然唔夠喉

整體聖誕套餐味道不錯,但有改善空間,如果套餐可以加多一個餐湯或小食,吃後感覺會較實在

好食♡好味♡好好味@好燒味(中環)

燒味飯一向不是至愛
但經過這間外賣店不其然被一股燒味香氣吸引

這間店的燒味飯可選擇單併,雙併,三併及其他飲品小吃售賣

可惜店收8點,因此要多選幾款燒味最好7點半前來到

因此只能買到叉燒單拼飯,有點失望

由於天氣寒冷關係,回家後食物都涼了,只需微波爐一叮即可加熱
叉燒半肥瘦,味道十分好,吃到不停口
肉質口感唔錯,配上自家燒汁同吃味道更佳

白飯亦唔會過硬過軟
價錢於中環來說只需HKD36確超值
下次再經開必要再來幫襯

'依'然日式放題♡烤肉@伊賀

天氣凍,最好燒烤
但室外又太寒
最好係室肉燒烤
最近發現一間新開日式放題烤肉店
有日式料理又有我想食既烤肉

入內發覺環境不錯
每張檯有個類似屏風般的隔住每張檯,好有成班朋友圍埋燒烤的感覺

而且味道不錯
仲有好味雪糕食
唯一有點美中不足係飲品另計
如果都可任飲就完美

仲要提提,我地一坐下就會送上2款沙律及刺身船
味道恰到好處
刺身亦十分新鮮

肉既種類亦多選擇,多到都唔記得
不如你地睇下從相片估唔估到?

單單沙律就咁多選擇

唯一冬瓜茶要另計(HKD20),定價都幾高

刺身好新鮮

估唔估到有咩呢?

燒既時候已聞得一股香氣

唔洗點醬料都已覺好味

講左咁耐,不如開估有咩肉類啦!

牛

1.牛舌

2.安格斯牛肉

3.一口牛

4.牛仔骨(個人覺得最好食)

豬

1.五花腩(出奇好食,平時最討厭食腩肉,烤後又甘香又脆)

2.豬肉

3.豬頸肉

4.豬柳

MOVENPICK雪糕♡♡♡

有3款口味選擇

我個人喜歡士多啤梨酸酸甜甜的味道

其餘2款:朱古力及雲呢哪味

快樂時光總是好快完

要走了

好唔捨身烤肉的味道!

辣妹♡辣味十足♡滋味辣菜@香湘辣妹Spicy Girl

一向喜歡吃辣的東東,因為喜歡那種愛吃但又辣到鼻水眼水都流的感覺

最近愛到紅磡一帶覓食,早前俾我發現呢間店,店內夠大,款式又多選擇

於是早幾日就相約一班嗜辣朋友去試試 

店員好好,見我同另外位朋友等待其他人時,送我2碗無添加靚湯

好清甜,完全無添加味精,原汁原味

前菜:海藻,花生及調味料(免收費)

想不到味道也不錯

農家豬手火鍋(HKD268)

辣味湯底,夠曬味,好濃郁,滲入豬手同樣辣得噴火,配湯料同吃

講不出聲,好好味呢

但建議要成班一齊食先食到,份量十足

火鍋配料

青菜夠曬新鮮

米蘭的小鐵匠砂鍋飯(HKD10)
未試過可以吃掉一碗飯,飯用砂鍋同煮,飯特別香,不過咬口較硬脆,如果喜歡吃軟的,呢款未必人人喜歡

我不配極品臘肉(HKD128)

菜式名稱夠曬特別

十分香脆,唔覺膩,相反越食越想食,可惜份量較少,唔夠喉

味唔會過鹹,烘至甘脆,送酒送飯一流,半肥瘦,夠甘香

東風破剁椒魚頭(HKD168)

好滑,而剁椒完全掩蓋魚頭腥味

越食越好味

不過吃時盡量避免沾太多汁,好辣,但辣得過韌

楓土豬肉煨豆腐(HKD98)

唔辣的菜式,不過同樣好食,味道煮得不錯,煨豆腐內裡滑滑,配上豬肉,用黎送飯好適合

好久不見孜然牛肉(HKD118)

真的好久不見,想見多你幾面^^

同樣辣,但同樣好吃,略嫌每片牛肉份量太少,吃極唔夠,牛肉香脆可口好惹味

想再來一碟

秘密花園有機時蔬(HKD68)

最清的一碟

但同樣好吃,菜炒得夠鮮嫩

又唔會得個鹹字

不錯

芋絲榴槤酥(6個)

榴槤唔係每人都愛吃

但係我至愛

每次有榴槤甜品必點

芋絲外好香脆可口,配上榴槤餡好特別的味道

但略嫌榴槤太少

吃下大部分只吃到芋絲的味道

甜甜的拔絲香蕉蘋果(HKD68)

'拔絲'呢類甜品不是常見到,難得見到必點

弄成絲的糖絲甜脆,配上鮮果同吃味道夠特別

我記得曾經食過的是配地瓜

比較下香蕉蘋果夠特別,但略嫌唔夠香脆

而香蕉蘋果唔夠甜,有點酸,幸好配上糖絲同吃

整體來說,香湘辣妹唔係全部菜式都辣,但各款菜式味道一流,不是只有辣,而係每款菜式辣得不一樣,味道亦出了不同層次味道,獨特得很

食過返尋味!