2016年3月31日 星期四

性比價高的外賣@米拉

由於放大假關係,加上明天去旅行
所以無煮飯,經過觀塘廣場發現一間可堂食加外賣的食店
價廉物美又有我愛的台式飲品
順理成章點了個餐外賣回家吃


我點了個米拉招牌效錦
HKD42
配米粉及果茶
不過我另加大約不到20元就可有大大杯韓式紅柚薑綠
顏色好靚,味道微酸,有點辣,但又清新,加上我係少塘,走冰,所以味道適中唔會太甜


而呢個米粉同樣好正,味道好入味
配料豐富,有花枝丸,鴨胸,雞腎。。。。。等等
味道不錯又夠新鮮
粉夠爽口唔會'爛'同太腍
鮮味十足
好好味
想不到一個價錢咁抵食又好味,正!



好希望自己可以係觀塘返工,就可以成日去
希望佢係我返工地方都開返一間啦!


別有風格的西餐@MG Cafe

放大假最開心莫過於鍾意點就點
又可輕輕鬆鬆嘆個午餐
呢間餐廳裝潢感覺甚有空間感,好舒服







Shaken Ice Tea 
Peach 
冰搖蜜桃茶
HKD48
超正!感覺fresh到底
蜜桃味清香
入口清甜而不過份
賣相很不錯
冰搖果茶令面層有點泡泡
十分好睇,十分有層


Beetroot and Feta Cheese HKD78
紅菜頭,羊奶芝士沙律
一睇已知用料豐富
十分新鮮又清新的沙律,2人同吃都夠
加上一些合桃仁,脆脆的好正,同時有多種口感
加上用的醬係乳酪,令整個更配更清新健康
仲有番茄火箭菜沙律菜等,口感豐富有層次
呢款沙律材料需多但唔覺膩,超讚!




Creme Brulee
HKD48
焦糖燉蛋
呢款亦係好有水準的
用左一個精緻的廚具盛載
味道更不錯
面層配以莓果點綴
脆脆焦糖燒得還暖暖的
底層燉蛋甜而不膩
口感滑溜而唔會硬楩楩
香甜
而且份量適中,一個人吃剛好
吃到最尾還是微暖的
好好味呢!!!






2016年3月29日 星期二

用心細味@一心素食

不知有冇朋友發覺食肉多,偶爾來個素食清一清,解解膩?
最近發現一間好有心推廣素食的食店~一心!
食物質素不錯,而且價錢公道,選擇頗多
今次我來吃個午餐


選了西蘭花雜菌鮮蔬香辣酸菜湯淮山麵HKD54
如果不愛淮山麵,亦可轉稻庭烏冬
全素

而套餐還有餐湯,我選了雜菜羅宋湯
湯料十足
味道酸酸微辣
好開胃




凍飲冷熱同價
阿華田口感柔滑香濃,甜度適中
唯獨小冰還覺得冰多


前菜
中華沙律
味道正常,跟外面吃到的無異!不過不失

主菜
食材豐富
味道果真酸酸辣辣,惹味又好味
菜夠新鮮,有菜花,紅蘿蔔,西蘭花,樣樣都煮得恰到好處,唔會爛

仲有鮮淮山加淮山麵,彈牙唔會過腍
食極都唔覺過飽


最後另加左一款蛋糕作結
芒果千層蛋糕
HKD19/客
賣相不錯
最意想不到係其味道很不錯
儘管唔係專賣蛋糕甜品的地方
味道不太甜,但有芒果的甜甜果香
口感尤如雪糕般加上忌廉及芒果果醬
十分好吃!



題外話,個人感受
現今食肆林立,除了為賺錢
用心製作經營的又有幾多間?
呢頓午餐確係非常抵吃
價錢大眾化實惠不在話下
用心去推廣素食文化才是吸引我的地方
午餐?多吃幾次也不覺厭呢!


2016年3月27日 星期日

味美無窮假期午餐@西餐大排檔

下午約左朋友有活動又未夠鐘
以前黎過就已經愛上其食物
聽朋友講午餐亦十分好吃
所以順道來試試



又坐窗口位
環境舒適

我點呢個午餐係星期六,日及假期先有
我選了澳洲牛肉眼HKD168
先來餐包烘得香脆內軟
很不錯

沙律我選了乳酪芒果蝦沙律

色彩繽紛
蝦新鮮
菜爽脆
芒果鮮甜
配上乳酪汁同吃好開胃
外面好少食到鮮乳酪沙律!


是日精選餐湯係香濃蟹肉粟米湯
香濃幼滑忌廉加上粟米茸
味鮮甜而不膩
湯夠濃稠但卻不黏口


清晰可見粒粒粟米茸
好味道!

再來主菜澳洲牛肉眼
時菜配上紫薯茸
為肉眼中和其肉膩
及以紫薯茸配搭新鮮感十足
外面吃到的大多是薯萁,並非番薯

肉眼7成熟
因此肉質還十分鮮嫩唔韌
易咬口,外面熟,內還滲出絲絲血色
口感適中,味道方面配上黑椒汁,唔膩反而越食越停唔到口,味道及烹調熟度好適中味美


是日甜品係呢幫芒果奶凍
精緻份量剛好,唔擔心浪費
口感滑溜,香甜
奶味十足

飲品方面,我一向喜歡飲'哥哥'
椰子菠蘿奶,口感柔滑,清甜果香,椰子香氣撲鼻
味道又唔會太甜
十分好飲


十分滿足的午餐
令人回味

另外,仲可以加HKD48享用海鮮拼盤及餐酒
有生蠔,鮑魚,日本刺身帶子,鮮蝦,聖子刺身
絕對抵食新鮮
可惜我已飽飽,唯有下次同朋友再黎過啦!

2016年3月25日 星期五

新派韓食@小火焰韓式咖啡餐廳

又是放大假的一天
無聊閒逛
見其新開業
又係韓式咖啡餐廳幾特別
於是就入內一吃

環境都算大,位置坐得舒服

呢杯草莓蕃石榴熱情果梳打睇餐牌好吸引
咁就點了一杯
有外表有內在
真係好好飲,清新有味又唔太酸太甜或完全無味
味道十分適中
大大杯好抵飲
夾雜3種的果香
飲落口特別醒晨
而且有梳打中和果酸感,令其唔會膩

呢個叫'牛夫子'HKD88
如果無圖真係唔知係乜冬冬
原來係韓式all day breakfast咁

有蘿蔔,滑蛋,蕃茄,牛角飽
連皮薯條
泡菜,沙律,腸仔手牛扒
韓式係跟過往西式有少許不同,都係大同小異
味道不錯,食物好新鮮
特別當你吃一口泡菜才吃其他,完全不覺膩
一碟有不同味道出現:泡菜酸辣,新鮮爽脆沙律,薯條香脆內軟,味道不鹹不淡
好適合喜歡多試幾款的朋友!



喫茶一刻@慕茶

最後發現一間以茶作賣點的食店
在外一望已被其裝潢所吸引

感覺清淨環境清幽


室內環境亦感覺舒服寧靜
如果相約朋友聚會
呢度係一個不錯的地方


由於已吃午餐,又想食下雪糕,所以就點了呢度的人氣茶味雪糕
味道好多,有分黑茶,綠茶,紅茶,青茶,白茶,黃茶及花茶味雪糕
我選了玄米白茶及功夫茶味雪糕
2球 HKD48
好香濃茶味但清新


先講綠色呢款係功夫茶味
味較濃但唔會太甜,口感好滑

下面白色呢款係玄米白茶
味道更清新及有玄米的香味
口感同樣軟滑
但味道唔會過甜,味適中,值得一食再食的雪糕


回味下午茶@魔膳工房

又來一個假期下午茶
來到此處
見其環境不錯又夠寬敞,裝潢特別
就選呢間

好大好多位置


下午茶亦不求其
意式辣茄汁牛肉丸意粉
HKD52
雖然係下午茶但亦絕不馬虎
賣相味道同樣好
牛肉丸及意粉完全滲入辣汁
入口唔膩,辣味十足
越食越過癮
肉丸新鮮自家製乙彈牙
意粉煮得恰到好處
味道很不錯


另外加錢HKD5可配焦糖咖啡
好飲到不得了
咖啡苦味好出,但卻回甘
咖啡及奶份量適中,香濃幼滑口感
想不到下午茶也可咁出色!




2016年3月24日 星期四

綠野尋貓伴下午茶@DK Cuppa Tea

都市人工作忙碌,生活繁忙,令到精神難以放鬆
有否想過過一個放鬆的下午,來個沒有煩惱的週末
最近我朋友邀約相伴來忘卻城市的繁囂煩憂
來過一個尤如置身綠野中享受的精緻
窩心下午茶


DK Cuppa Tea處於中環的鬧市中
我地可以隨時走進綠野的國度
不過供應期有限
由即日起至6月30日




「綠野遊踪」下午茶 – HKD298/位(2位起)
整個下午都有貓咪相伴共進下午茶

.店內感覺予人置身花園中
擺放著各種不同的香薰油等......


今次我地2人就係點左呢個下午茶野餐籃
如果你地唔想堂食
亦可選擇擺低HKD600按金就可以拎走個籃去想去既地方



行李箱子裏載著齊全餐具及今次的食物
打開箱子時,有很多貓咪同美麗的點心滿佈箱中
每隻貓咪都擺放著不同的姿勢和表情



食物多元化又夠精緻
有鹹點及甜點
款式包羅萬有



未享受前,不如抽一張魔法咭
睇下今日我的心情如何
Secure
原來我缺乏安全感!
香薰精油幫到我

其實只要點了下午茶,就會贈送「魔法咭」五張,每張「魔法咭」均介紹一種香薰精油及其療效
每天可抽一張(或全部),看看邊張最適合我?

好有感覺
貓貓燈都好特別
好想帶走埋
未食已經好舒服放鬆


先來一杯
三重果香特飲
味道清新,微微的酸甜而不膩,飲一口令口喉嚨舒服
果香四溢




呢杯花果茶仲用咁精緻的杯盛載
你都可以帶走佢
只要你係首500位同箱子里的貓咪合照及在café裏打卡上傳到FACEBOOK®及Instagram®的客人就可獲贈貓貓杯一隻,貓貓杯仲可用作為蠟蠋座

好有心思呢


接著來個龍蝦湯
同樣精緻
微紅的湯~有香濃的龍蝦味
鮮甜而口感豐盈,唔稀,份量剛好

再來當然係一系列甜及鹹點
令人垂涎三尺
精緻的龍蝦班戟,伴上龍蝦肉:味道不會過鹹,蝦味濃烈,班戟煙煙韌韌;
酥皮小肉卷:酥皮香脆,肉味鮮鹹香撲鼻
鬆脆鵝肝塊:果真十分鬆脆可口,味道恰到好處,香味十足



甜點方面:

有伴以果醬的英式鬆餅~稍稍甜一點,但當配上果醬時又不錯,且夠鬆軟,有點點果醬酸甜
除此之外,還有一系列趣緻甜點,造型可愛令人愛不釋'口'
貓咪造型曲奇香脆可口,甜甜的
印有貓咪圖案既馬卡龍:外夠鬆化,內夠軟,甜甜的,不錯
抹茶cupcake:面上的抹茶忌廉軟滑香甜,蛋糕香軟
朱古力及焦糖鬆餅:亦不錯,鬆軟,甜而不膩
日式焙茶芝士蛋糕:芝士味香濃滑溜,焙茶口味令蛋糕變得清新
貓咪腳板朱古力:奶及可可味恰到好處,味道不錯
朱古力及雲呢拿泡芙:細細粒,一口吃下,滲出忌廉,跟泡芙混合變得滑溜又有點微脆
十分好吃可口




除了2人下午茶
1個人都可以試試呢款
🏻迷你版下午茶($168)
包括一杯薰衣草伯爵茶、貓貓曲奇、抹茶Cupcake、Macaron同朱古力
同樣精緻
下次我一個人要來試試呢^^
 

🤘🏻另外,提提大家,除左送貓貓杯仲可以
🤘🏻送貓貓扭蛋+優惠券
扭蛋入面有貓貓小禮物或香薰樽架
入面仲有餐廳優惠券🤓

好開心的一個下午,感謝朋友推介我先找到個既舒服又可以暫卻忘憂的地方呢!