2015年8月26日 星期三

“泰“風味串燒@Grill~~

詩詩一向為食但都算有要求!

最近發現左一間位於中環港鐵站附近吃串燒既地方~Grill,外賣自取,如果要在此進食,外面亦有兩張高枱,食客可站在店外進食,別有一番風味,但先到先得^^




未講食物質素前,先講下間店,一看外面已知係售賣串燒既地方,隔著玻璃已看到一串串唔同口味串燒放在架上,店員為客人點的串燒即叫即燒,新鮮熱辣辣,外面牆身有個像真度十足既火爐,遠望已吸引途人目光!




呢度所有串燒可揀選辣同唔辣,一向嗜辣但又唔可以太辣既我同店員要求少辣......如果配啤酒飲更佳,店內亦有多款選擇


食物質素方面:個人十分滿意同愛吃,特別係招牌Short Ribs 牛仔骨(HKD40),賣相已夠吸引,咬落口,肉質鮮嫩,配合一早沾上特製泰式醬汁,簡直'泰風味'!吃完不其然又想再吃......



另外我仲點了其他幾款:豬頸肉Pork Neck(HKD 20)-同樣烤得肉質爽脆




Beef牛肉(HKD)-醬汁滲入牛肉加辣辣感覺,又唔會黐牙



豬肉Pork(HKD15)-老實說,呢串我就感覺一般,味道可以,但可能是豬肉始終不及牛肉吧(個人口味)


魷魚鬚(Squid)(HKD20):味道毋庸置疑,咬落彈牙,都係食完想再食


菠蘿Pineapple(HKD20):一咬落口,菠蘿汁'bid’曬出黎,甜甜又帶點咖喱味,好特別,一串就感受兩種不同味道


每款串燒都會使用不同醬料配合一同燒,多達10種,有些頗特別,如'海南雞醬','燒蝦酸辣醬'等.....

Grill我會列入我的'會再幫襯'食店之一~價錢由HKD15至70....完全可接受

當然要食貴價的,亦可選擇獨家:Dry Aged Sirloin牛腩 (HKD250);Dry Aged Tenderloin 里脊肉(HKD280),詩詩就未試過,有興趣朋友可挑戰下!!!



2015年8月24日 星期一

Tea Time豐富下午茶♡款式多多♡令人回味@Glasshouse

難得今日星期日又無特別野做,最好節目當然係約朋友high tea!
一向為食又鍾意周圍食既詩詩,係時候要沖出九龍^^黎到香港~

今日約左幾個好友到中環IFC 4樓Glasshouse 食野,每人揀一款又可以互相分享,可以試多幾款口味,豐富到不得了,飽足全日都得!

未講我地今日食咩前,好想講下個環境,好舒服,大家置身係一間大玻璃屋內,盡覽出面所有境物,正!
完環境,我急不及待要分享下我食過既東東

餐牌款式好多,多心詩詩每款都想試,但有點美中不足,餐牌只得英文,不夠user-friendly……好彩我識睇英文=="

肚餓加口水流,開餐♡♡♡♡♡

先黎杯“Lychee & Rose Twist Ice Tea"
(詩詩翻譯:玫瑰荔枝冰茶)

詩詩我今日打扮得好斯文黎杯冰茶,唔該^^

冰茶大大杯,味道微酸,好開胃,有微微玫瑰帶荔枝清香,好清新,不過對於愛好甜既我略嫌唔夠甜,但賣相好吸引!!!!!

飲品有冷熱唔同味道選擇,我下次要再黎飲杯(詩詩譯:檸檬薑熱花茶)Lemon & Ginger Flora Flower Tea

開完胃,黎個Appetizers:
1)Crispy fries,truffle mayo
(詩詩翻譯:炸薯條配松露蛋黃醬)


薯條炸得外脆內軟,我個人幾喜歡,感覺較有口感,而醬味道不錯但偏鹹

2)Pink rice paper roll,smoked duck breast,white Balsamic
(詩詩翻譯:煙鴨胸粉紅米紙卷,配特製香草白醋汁)

味道好清,無被鴨胸味道掩蓋,醬汁酸酸甜頗開胃

3)Pepper squid, spicy crab roe sauce
(詩詩翻譯:椒鹽魷魚配辣蟹黃醬)


好好味呀!我覺得三款中最好食,又唔覺油膩,但仍然都係醬汁味道偏鹹

☆~食完前菜,要到主菜~☆
1)Wagyu Beef burger, black truffle mayonnaise, homemade pickles
(詩詩譯:和牛漢堡,黑松露蛋黃醬,自製泡菜)

份量剛好,但對於小食多餐的詩詩相信食完後食唔落其他野,所以要同朋友share食,和牛七成熟,唔會韌同黐牙,味道不錯,飽脆脆香香又鬆軟,醬味道算特別,但我覺得太鹹

2)Green curry cod, baked in banana leaf with rice
(詩詩譯:青咖喱鱈魚,烤香蕉葉飯)
份量最適中,不過個人感覺男士未必夠食,青咖喱配上鱈魚味道特別,青咖喱唔辣,飯夠咬口,鱈魚夠入味嫩口,好滑


3)Singapore noodles, red lobster, Serrano ham,goose liver, homemade curry
(詩詩譯:改良版星州喇沙,有紅龍蝦肉,塞拉諾火腿,鵝肝,自製咖喱   )


配料好味:每款都好食,而麵份量偏多,配合自
製咖喱十分惹味


♡♡♡♡♡最後,就係我的至愛-飯後甜品♡♡♡♡♡

1)Banana creme brulee, Moscovado sugar, dark coffee
(詩詩譯:香蕉焦糖布丁,黑糖,黑咖啡)


跟出面食過的,認為呢一款較有特式,不過香蕉較甜,當加上黑咖啡就可中和一下,有唔同層次味道


2)Fresh shaved coconut ice with a touch of Malibu liquor
(詩詩譯:鮮椰子冰,淡馬里布白酒)
呢款甜品係我最喜歡,食住佢感覺好似係雪地到^^
椰子冰清新微甜,用新鮮椰子製作,配合椰果肉,盡在不言中,好誇張!!因我確實太愛此甜品,但唔愛椰子朋友可能未必喜歡濃濃椰子香!

3)Candy crush ice-cream, Oreo cookies, candies,rice crispy
(詩詩譯:糖果雪糕,奧利奧曲奇,糖果,脆米)

賣相好吸引,食法好特別,要用樁樁碎先食!不過個人唔太喜歡呢種食法,整體說味道太膩

總括來說:會再次惠顧,因好多野想食,同食過好回味要再食

侍應服務亦好好,解釋介紹好清楚,下次我會帶親友再來食食食!!
























2015年8月18日 星期二

淡淡玫瑰清香配合香滑Latte♡Rose Latte @Agnes B Cafe

咖啡你平常愛飲邊個品牌呢?☆×克或太xx咖啡呢?
無錯這兩間我經常惠顧,但最近終按耐不住,到Agnes B Cafe品嚐一直好想飲既“Rose Latte"!♧

 Cafe座位好似一些英式茶座,予人優閒舒適感覺,可惜不太方便拍照
只好拍張詩詩點的“玫瑰鮮奶咖啡“~

一看杯外,不其然覺得獨特高雅



隔著杯,已聞到玫瑰混合咖啡的香氣

打開杯蓋,有數片玫瑰花瓣浮在咖哩泡沫上,賣相吸引!



輕輕呷一口,熱度適中,味蕾回味著玫瑰,鮮奶,咖啡混為一體的味道,客人亦可隨自己口味而選擇加糖漿……

期待下次到此,必要品嚐另一款“ginger latte",不知是否帶微微辣度呢?

抵飲咖啡配獨有麥圈@McCafe

 為食的詩詩,每天都愛嘆一杯咖啡!什麼都可以,沒有特定口味~

今次想推介McCafe 所沖既咖啡,我飲既係榛子鮮奶咖啡
一向好甜的我連飲咖啡都愛較甜,榛子味香,咖啡沖得很細滑,不過泡沫過多,及咖啡沖調員所沖咖啡水準參差,有些好,有些不過不失,有些好淡,有些太濃,但是次呢杯沖得不錯,中杯裝都不過30元,比其他咖啡連鎖店定價較低,但要提一提McCafe中杯裝咖啡份量較少,相等於別的coffee shop "tall"size

另外,McCafe最留住我的心非這麥圈不可,甜甜的,外脆內軟,咬在口裡有麥的粒子,好有口感,又感覺健康,如果唔嫌heavy,可配隨圈圈附送cream,塗上一樣好吃,口感更豐富飽肚





定價方面中,如果想嘆杯咖啡食件餅,此處確係不錯選擇,這樣四十元有找,抵!



2015年8月17日 星期一

焦香味美停不了♡可全煲消化@四季煲仔飯

自從有一次友人帶我到位於油麻地鴉打街食煲仔飯後,回味無窮!

剛好今天所有活動推掉,又懶洋洋唔想外出,就麻煩友人幫忙外賣煲仔飯回家一同享用

是次我們分別點了一個單拼,一個雙拼
單拼:潤腸臘腸臘肉煲仔飯;雙拼:肉片鹹魚煲仔飯



友人吃的



詩詩一向愛吃雙拼肉片鹹魚煲仔飯,每次堂食外賣都是它,吃過數十次,而且可全煲消
我家'嫦娥'常常罵我,隔離飯香,自家煮飯就半碗止,他日無人煮想食都無得我食,哈人就是這樣!


此家煲仔飯,雖然外賣不夠熱騰騰,但依然好吃到停不了,飯咬感十足又咽韌,遠遠亦聞到煲出來香味




肉片,煮得嫩口,一咬就溶,十分適中,鹹魚不太鹹,不是梅香鹹魚,反而愛吃

真的全煲吃掉!!飯焦也不放過~

是次平民化消費兩個人都100有找

永遠不會厭倦的煲仔飯^^♡♡♡

食物點評報告完畢,希望會岩各位食友參考 


*每人口味各有不同,是次純個人口味分享及供大家參考 

♡詩詩其他分享地方:

VC Facebook 專頁 
https://m.facebook.com/wingsvincciyceci 

Instagram
http://www.instagram.com/vincciyceci


Other blog links♤

http://www.imore.hk/5574 
http://www.theztyle.com/?50223 
http://www.beautylife.hk/?116664 
http://blog.ulifestyle.com.hk/blogger/wingsvincciyceci/ 

Openrice:
http://www.openrice.com/zh/gourmet/ActivityFeed.htm?userid=58572030

☆☆歡迎聯絡邀請試用及出席活動


email:vincciyceci@gmail.com / cecidan9@yahoo.com.hk

2015年8月14日 星期五

豐富午餐yummyyummy @B.L.T.休點

平常真係好少會跟同事一起外出食午餐
剛好想不到吃什麼?最好就是跟同事^^

B.L.T.每天午餐餐牌都不同,餐湯亦分中西兩款供客人選擇,很難會厭惡

是次詩詩點了帆立貝甘筍粟米紅糙米飯;選中湯:胡椒豬肚湯;凍檸茶



帆立貝甘筍粟米紅糙米飯:未見實物只見名,應該會是個健康清新選擇吧?
午餐到時發現有醬汁在面應該很'漏'吧?
又唔會,味道適中,帆立貝大大粒,飯有咬感,味道適中不太濃,連平常少吃易飽肚的我都只吃剩三分一,厲害!!



(中湯)胡椒豬肚湯:味道很清,不似落了味精,但帶胡椒辛辣度,好正!
(西湯)菠菜忌廉湯:無試過,同事點


凍檸茶:正常



總括來說,好滿意呢個lunch set,而且繁忙時段上餐都算快

午餐價格由40元到65元左右,感覺合理,有湯有飲品!


食物點評報告完畢,希望會岩各位食友參考 


*每人口味各有不同,是次純個人口味分享及供大家參考 

♡詩詩其他分享地方:

VC Facebook 專頁 
https://m.facebook.com/wingsvincciyceci 

Instagram
http://www.instagram.com/vincciyceci


Other blog links♤

http://www.imore.hk/5574 
http://www.theztyle.com/?50223 
http://www.beautylife.hk/?116664 
http://blog.ulifestyle.com.hk/blogger/wingsvincciyceci/ 

Openrice:
http://www.openrice.com/zh/gourmet/ActivityFeed.htm?userid=58572030

☆☆歡迎聯絡邀請試用及出席活動

email:vincciyceci@gmail.com / cecidan9@yahoo.com.hk

2015年8月11日 星期二

簡單簡單下午茶甜品@茶木

第一次跟友人到茶木!
已被此款大大份又飽肚甜品吸引
於是點了一個,感覺足夠三人份量






對於愛吃甜品的我!足見賣相已覺100分吸引
頂層有棉花糖加雲呢o拿味雪糕
下面有新鮮生果配忌簾
最底層係三片厚多士

味道方面:一般雪糕加生果,沒太大驚喜
三片厚多士脆脆的,配合雪糕忌,口感好實在豐富
有甜有少許鹹,又冰冰涼涼軟綿綿,總括來說確不錯!

奈何多士份量過多,而雪糕及忌廉份量相對少,吃掉後還剩下大部分多士,
想吃但無忌廉雪糕配合,相對變得單調不好吃
如果100分滿分,我只會俾70分

服務方面:不知是否侍應太忙碌,感覺服務一般

朋友告知每次到茶木,都要等位超過20分鐘,在於我來說確有點痛苦==”

食物點評報告完畢,希望會岩各位食友參考 


*每人口味各有不同,是次純個人口味分享及供大家參考 

♡詩詩其他分享地方:

VC Facebook 專頁 
https://m.facebook.com/wingsvincciyceci 

Instagram
http://www.instagram.com/vincciyceci


Other blog links♤

http://www.imore.hk/5574 
http://www.theztyle.com/?50223 
http://www.beautylife.hk/?116664 
http://blog.ulifestyle.com.hk/blogger/wingsvincciyceci/ 

Openrice:
http://www.openrice.com/zh/gourmet/ActivityFeed.htm?userid=58572030

☆☆歡迎聯絡邀請試用及出席活動

email:vincciyceci@gmail.com / cecidan9@yahoo.com.hk




2015年8月9日 星期日

一個人的晚餐♡菜肉雲吞@夏麵館

通常沒有逛街的日子,都懶得外出……
但始終要吃晚餐,所以只好被迫到家附近食肆來個晚餐,加上一個人。。。
是次去左夏麵館,叫杯熱豆漿,點了個大大粒菜肉雲吞!

最想講係杯熱豆漿,侍應經常裝唔滿,而且無標準,有些食客裝滿,好似我的有三分一無左
一杯豆漿12元,感覺揾笨

而且飲唔飲茶都收每位3元茶位,應該每間上海餐館都如此

最後係“主菜“~菜肉雲吞
湯好清好好飲,飲唔停口,其實味精令人覺得好飲,因我每次吃完後回家都經常口渴




而菜肉雲吞,詩詩十分滿意,雲吞皮厚薄適中,煮得通透,菜肉入口易咀嚼,菜唔會有菜渣,肉亦味鮮,必定連湯雲吞吃得光光的!

服務方面:侍應好忙碌,但尚算主動執拾桌面食物殘渣,杯碟等等……

價錢方面:屬中上價格,份量較少,感覺不划算


豐富下午茶@美心Food 2

詩詩我人仔細細但就成日食野不停口
特別係假日,就必定要嘆個下午茶餐

是次去左美心Food 2到食,價錢比美心MX來得較高,但環境較好,點餐較快捷,有自助八達通付款系統,而且茶餐予我感覺更像在茶餐廳品嚐

是次點了個豐富茶餐,我一個人已消化,好味道!

炒滑蛋,火腿,牛油方包,榨菜肉絲湯米,熱奶茶,盛惠HKD32


滑蛋夠滑,但火腿,牛油方包不太愛吃,跟一般茶餐廳差不多,醫肚就一流!

榨菜肉絲米:我就十分愛吃,不過米粉稍嫌略為硬乾

奶茶:中上不錯,有奶及茶香,茶味濃郁,少數奶茶可沖泡到此口感味道

服務方面:快餐其實無服務可言

總括來說,不過不失作醫肚很好,但味道一般!

2015年8月3日 星期一

清淡的一晚@麻布茶房

一向詩詩媽媽都愛到家附近吃晚飯,貪其方便,因此每次都會到麻布茶房
是次又遲到了,媽子都吃完,只得我一個吃,加上飯前飲得太多咖啡,飽飽的,平常愛必點的雪糕亦吃不下
因此只點了一個'蟹柳蛋花屏屏麵'!賣相不錯~





湯底是甜甜的,老實說我不太愛甜湯,對此評價不太好,吃了一半也不想再吃下去


逐點點評:麵煮得還好,不會太稔,蟹柳亦不錯,湯就過甜,畢竟晚餐還是鹹的較好(甜品例外^^)
另外配一些辣粉(侍應完全無介紹過),並配有酸紅蘿蔔白蘿蔔,每次都必有綠茶!





食物不是全個餐單的都好吃,但甜品卻美味,遲下再分享點評

服務方面:一向不敢恭維,侍應少數會定時倒茶,想點食物遞手好久也沒有人理會

價錢中上,個人感覺較貴,點個麵最少都要80元,但質素一般
而且付款時,該餐廳結帳系統是不是4捨5入,例如:該餐是81.1,餐廳會收82;81.9,餐廳也是收82
好“C9”吧??^^但詩詩就是不愛這付款系統......


食物點評報告完畢,希望會岩各位食友參考


*每人口味各有不同,是次純個人口味分享及供大家參考

♡詩詩其他分享地方:

VC Facebook 專頁
https://m.facebook.com/wingsvincciyceci

Instagram
http://www.instagram.com/vincciyceci


Other blog links♤

http://www.imore.hk/5574
http://www.theztyle.com/?50223
http://www.beautylife.hk/?116664
http://blog.ulifestyle.com.hk/blogger/wingsvincciyceci/

Openrice:
http://www.openrice.com/zh/gourmet/ActivityFeed.htm?userid=58572030

☆☆歡迎聯絡邀請試用及出席活動

email:vincciyceci@gmail.com / cecidan9@yahoo.com.hk






2015年8月2日 星期日

必吃甜品♡抹茶聖代@麻布茶房

雪糕甜品一向我至愛!

每一天都必要吃一次先滿足

是日我到麻布茶房嘆雪糕,定價雖高,但味道不錯
雪糕是自家製,牛奶味香濃,口感柔滑,抹茶雪糕帶清新抹茶,有少許綠茶甘香味
唯一美中不足係生果配搭,不夠新鮮,可能是詩詩不愛吃這類生果吧!



而脆脆亦不脆,變得軟軟的,有點失望,我認為主菜好味,還得靠配菜配合,奈何配菜如此求其……畢竟這雪糕要50多元,還要加一,絕不經濟

服務亦不見得很好,只是我太愛此家雪糕了,才再到訪!