自從韓劇風靡俘虜一眾粉絲後
所有其周邊商品,韓食,美容產品等等....都令人著迷
韓燒就係其中令人大愛的......
不過正宗的韓燒唔係每處都有,而且都被稍稍改良
最近經好友推介,發現此間韓烤店十分正宗地道
加上來貨係由自己代理,價錢方面來得合理
一個2至3人用的套餐都不到1000,且送甜品,確係抵食
味道方面好適合個人口味,十分不錯
今次我們來點了個幾特別的套餐~龍蝦尾套餐HKD620
份量可不少
先來係各款前菜
食完可任添
餐具十分齊備
又有大大盤沙律菜,爽脆新鮮
用芝麻醬份量適中,可完全滲滿每片沙律菜
前菜有海帶,韓式泡菜,蘿蔔及芽菜
全部的味道調得很好
恰到好處
再來今日主角'龍蝦尾'
睇佢塞縮一團誤以為份量好少
誰不知可夠2人食到多次
新鮮味美
毋須加任何調味醬油亦嚐到其龍蝦鮮甜味
而且肉質彈牙爽口
啖啖肉
其實龍蝦尾我也是第一次食呢!
另外提一提,如果你唔識燒,店員亦好樂意效勞
雖然價錢唔算高
但完全沒有影響其食物質素及新鮮度
賣相亦放得精美
以圓盤架盛載
上層係份量十足的八爪魚,紋理清晰的大蝦,樣子無奈的多春魚,韓國年糕及鮮菇南瓜作以點綴
下層則是肥美血紅的鮮肉
厚切五花腩,牛肋肉,薄切LA牛骨
個人喜歡先燒上層
再燒下層
看見已食指大動,口水直流
全部都十分新鮮
大蝦唔會酶,肉鮮嫩
多春魚真的好多春,味鮮肉滑
最愛係其已預先調味的肥美八爪魚
由於八爪魚份量十足
需要配上一塊生菜作底,防止燒燶
然後燒一會,再用剪刀剪開再燒
味道辣得過癮刺激
又唔會太鹹,肉煙韌
不經不覺吃了很多粒
再來厚切肥美的五花腩
先要將其前後燒一燒,再剪成小片食
薄又脆,完全唔覺肥膩,越食越好味
有得食亦要有得飲
看見這兩杯特飲已令我驚喜
左面的菊花梳打HKD32以菊花蜜配梳打水
夠氣又夠清甜解渴解膩
甜度適中
食韓燒必飲之選
右面的青提子梳打HKD32
則清新微酸帶點甜
又有粒粒新鮮的青提同吃
有口感有味道有賣相的一杯飲品
除了燒物外,還有古早炸醬麵
可以自己撈撈撈
味道不錯,微辣但唔會好鹹
算是不錯的炸醬麵
麵質亦唔會過'腍,好!
還有4隻芝士生蝦
生蠔大又肥美
配上芝士同燒
一會兒即可吃到芝士香氣極濃的啖啖肉生蠔
非常好吃
雖然食得好飽,愛吃甜品的我當然不會錯過隨餐附送的
Injeolmi年糕一客
有一個雪糕球,2小片年糕及紅豆
再將之倒進加上黃薯粉的熱呼呼年糕
我攪呀攪
雖則賣相被我攪完一轉後變成......
但味道依然好食
而且有多種口感及多重層次
正
有熱有凍,温暖的感覺於不同階段
一開始食有點冰冷的雪糕混合熱騰騰的年糕
口感滑又煙韌帶點黐牙
中段微温帶有紅豆加年糕的柔韌
最後變涼,則滿口差點張不開,俾其年糕黏得黏黏的
幾過癮
唯一有點美中不足,比較甜了少許
不過一個接受的價錢有如此豐富食物及質素,不能要求多多的!
由於知道其食物不錯,價錢合理
我會再來滿足自己的口腹之欲望
聽店員告知還會陸續推出新的套餐菜式
保持新鮮感
我這位為食又愛食但又食不多的為食妹怎會放過?
而且套餐可約朋友同吃,吃唔完,好友會包底
約定好友又再來滿足自己的韓燒癮^^
