早前我公司係中環附近開了間新店舖
經開附近發現了一間好與別不同,不一樣的台式餐廳
經同事游說後終於幫襯左,希望好食!
店內裝修特別,而且係酒吧feel
亦都顯得好時尚
唔知味道如何呢?會唔會得外在美??
應該唔會吧?
同事告知呢度主廚ar Fung曾經係三星同二星米芝蓮任職
佢好喜歡研發出新穎又賞心悅目的菜式,不過真係好吸晴
愛好幾杯既同事亦推介呢度既飲品
所有飲品都好創新,調配飲品都由茶酒創意師Shin負責
佢係台灣人,十分熱情,我印象中既台灣朋友都是這樣^^
其實我係位有選擇困難症既人
所以好難決定飲咩
好彩呢度既店員都好好介紹
最終揀到食咩飲咩
另要一提係有一款好特別的飲品
會有買一送一
想知係咩?遲下你就知^^
事不疑遲
要介紹下我地食過咩
先黎杯可以飲可以食既飲品
An Ping Tofu 安瓶豆腐(因餐牌是全英文的,希望無譯錯)
由自家製豆腐,紅豆,花生,豆奶,高山茶,(Baileys)咖啡酒忌廉,包種茶(台灣高山茶的一種,清幽淡淡雅的花香氣般)
HKD118
先聽名已夠特別,而盛載飲品及賣相十分別致,好配合食材
豆腐好滑好入味,配合粒粒紅豆加豆奶,內有少許酒味道,食落口慢慢滲出不同層次味道
加上一小杯酒同吃同飲,味道真的既特別又特別
好想份量再多一點,不太夠吃^^
Mochi Yaki
抹茶配年糕
Rum酒,Hakka 擂茶(亦係台灣茶的一種),花生粉及蜜糖(配年糕同吃),烏龍茶,忌廉,Frangellco榛子
HKD118
抹茶好特別,有奶的柔滑同時有rum酒既味道,酒味唔太濃,配合抹茶好清新呢
一口呷下,精神一振,而配年糕吃,有別有一番感覺
煙煙韌韌,說不出的味道,層次感豐富,味道同時迴盪茶及酒互相交融,特別特別特別又新派!
頭盤
清一清味蕾後,來個前菜,十分精致食物,份量每一,剛剛好,又適合我愛試又小食多餐既為食妹
左起: Ping Pong乒乓,名稱同外型相似像個乒乓
3款入面,我最愛吃這個,因為有紫薯味,內裏是日本年糕同芝士,有甜甜味又有鹹鹹味,加上芝士香濃味又黏黏口感,一粒波波都可做到咁細膩味道,廚師十分有心思
中:Chicken Waffle 豬手脆脆,又一款精緻又特別的
使用豬手碎配多士底,豬手吃多會膩,但碎碎配上多士同吃,香口又好味,想多吃一塊呢
右:Crispy Pork Knuckle鹽酥雞窩夫
鹹味雞柳配上少甜窩夫,亦是第一次食,鹽酥雞香脆,味道好香,肉嫩滑,寓夫鬆脆
時尚熱盤
左起:Pork Belly & Puree五花腩
平時我只會吃瘦的部分,但此處的我卻整口吃下,完全感覺不到肥膩感,相反有香滑,甘香之感,吃上一塊後又想多吃一塊
中:Sweet and Sour Fish甜酸魚
甜甜酸酸汁上有少許松子仁,配上脆脆魚,開胃之選,為剛吃完後的五花腩中和一下
右:House Calamari 避風塘魷魚
又一香脆佐酒小吃
好想把它帶回家呢
香料配上香鹽,香脆魷魚,真的不夠喉
味道適中美味
中間一段小插曲
由於同事平常都多來幫襯,因此店員都好好,亦用心介紹我地選既飲品
提到一款台灣獨有高山茶酒
茶酒顧名思義係用高山茶同發酵的酒
識飲朋友必飲到淡淡清幽茶香的酒味
淡淡的,我有幸嘗了一口,果然不一樣
主菜
Ma-Po Tofu Noodle
麻婆豆腐麵
食完會'嘩'一聲!食時已覺跟麻婆豆腐有點不一樣,果然係改良
有香料味,說不出多種味道,吃上一口,味蕾擁有感覺有少許麻辣,口麻麻地,又好像有花椒八角香氣,鹹鹹的,徘徊在口腔有多種味道整整數分鐘,好得意好抽象
Pork Belly Risotto
五花腩意大利飯
兩款主菜我較喜歡實在感覺,五花腩切片炸脆,香口鬆脆,好特別配搭
中式配西式意大利飯,好似fusion菜式
意大利飯味有芝士香濃同時飯煮得好滑,只是如果飯可淡少許會更好
Signature Mocktails
品味特別有酒精飲品後,當然要來杯清新飲品中和一下,同事點的
Ai-Yu Lemon Green (cold)愛玉檸檬綠茶
HKD68
試了一口,味道清新,少許微酸,帶有檸檬香氣,加上有口感的愛玉,又有一點台灣茶的清幽
好舒服
我點的
Marshmallow Pearl Milk Tea (Cold)
棉花糖珍珠奶茶
HKD68
單看賣相已贏
用玫瑰花及棉花糖作陪襯
飲下珍珠奶茶,有一陣陣玫瑰香氣
味道亦唔會太濃,十分地道的味道
茶香清淡,奶味亦淡淡的
甜品
Creme Brulee焦糖布丁
廚師特別地配上一小塊蛋糕,而味道就是甜甜有蛋味蛋糕
焦糖布丁當然非常好吃
面層那塊焦糖配上下層布丁又香又滑滑的
不會太甜,一個還是不夠呢
最後,來杯煙花酒為今晚畫上完美句號
單看賣相已夠特別
其實名字亦夠特別
101 fireworks
上層'4片菠蘿'
中層'不同種類溝成混合酒'
下層':亦分上下,上是酒,下是茶
調酒告知可單獨飲清一清味蕾
此酒叫101 fireworks
我想它寓意係用火燒時的花火,有好多唔同顔色出現吧
此刻真係好特別好美好
101 fireworks 含有 '高山茶liqueur(酒的一種)', 苦艾酒, 高山茶, 藍橙, 橙汁, flaming style
菠蘿有點點燒焦味,幾特別; 綠色酒味道還不錯,下層茶亦不錯,但酒就真的受不了呢>.<
總括來說,這間已被為食妹列入最愛酒吧餐廳之一!!!!!~~~
