友好共聚好地方♡開心樂園@樂園 (尖沙咀)

早前朋友推介，最終相約友好一同到此歡聚

一入門口，已發現好多不同遊戲棋供客人玩，不禁令我想起兒時愛玩“飛行棋，波子棋“等等……好懷念！

行到入去，又發現有隻胖貓貓，好乖好可愛呢！

再看餐牌，也是好繽紛，令人睇到都開心，真的係開心樂園^^

先來點幾杯繽紛彩色特飲，好多款飲品都好特別，賣相好吸晴，味道亦不錯!

(左上)我愛金莎 (店長最愛,我都最愛^^):
特濃金莎朱古力雪冰, 味道不太甜,又有又香又濃朱古力味

(左中)白雪公主:益力多荔枝雪冰,酸酸甜甜

(左下)玫瑰蜜棗茶:促進血液循環,改善新陳代謝,味道好清,感覺舒服

(右上)我愛蜜桃:蜜桃熱情果蘆薈梳打

(右下)紫醉金迷:黑加侖子椰果梳打

*店內所有菜式伴碟好靚, 好有心思, 彩虹般令人真的置身繽紛樂園一樣

我們一行人除了點了一系列特飲外, 還點了多款食物,十分豐富呢!

小食：明太子泡菜釀雞翼拼日式雞軟骨豬肉棒餃子

明太子泡菜釀雞翼: 幾特別,味道好入味, 但泡菜味唔重，有少許酸辣,唔膩反而更開胃

日式雞軟骨豬肉棒餃子: 餃子脆脆的，好香口，味道適中



芝士焗有機大傘菇 (HKD68) - 多汁必食推介
真係好多汁,配搭芝士一同食用,完全唔會感覺油膩





沙律:松子仁有機蕃茄豆腐沙律

好清新,配搭新鮮,味道亦特別, 好有心機蕃茄放得好靚

主菜:多國香腸拼盤配燒汁 (HKD 138)

腸的味道不會太鹹，由多個國家的香腸拼配, 唔太喜歡吃香腸的我都捧場

主菜:醬燒美國豬仔骨配薯塊

薯塊正常; 豬仔骨味道不錯, 唔會難咬

主菜:黑松露香煎鵝肝意大利飯 (HKD178)

鵝肝味道剛好,不過不失
意大利飯煮得恰到好處, 口感不錯,味道算有水準

***怪獸雪糕*** (HKD198)
由四款唔同口味雪糕配搭, 份量用料十足,但在於我來說是夠巨型
其實雪糕球每款味道有兩球,配料卻何其多,忌廉亦夠多配搭: 格格脆,棉花糖和香蕉等等......真的要我地一行人咁多先可以消化呢!!!

呢度俾我感覺好自在, 成班朋友消閑好去處,而且仲有包場服務,好岩朋友,生日會,家庭聚會
自助餐式任食任飲,唔錯架!!想了解多些? 找樂園喇^^