極品燒鵝海鮮宴@富臨

適逄我細舅父生日,剛好朋友推介做緊優惠
星期一至五需HKD1980 (10-12位用)

而且係全包宴
超級抵食
最終決定訂這個全包宴

主題係極品燒鵝海鮮宴
當然先來個極品燒鵝皇(1隻)
全隻上,極度大隻,皮夠脆,肉唔會韌
十分好吃

法式焗美國龍蝦(伊麵底,約3斤)
份量十足
芝士汁香濃唔稀
配上啖啖龍蝦肉食
濃郁鮮甜,龍蝦本身的味道反而更出
伊麵亦煮得恰到好處,唔會腍

金銀蒜蒸鮮帶子(12只)
單看像朵花!
鮮帶子十分鮮味,蒜香完全滲透,蒜香四溢
粒粒帶子還十分彈牙夠入味!

果皮蒸十二頭大連鮑魚(18隻)
果皮更能帶出鮑魚的鮮甜味
而且充滿果皮香氣
煙韌彈牙,極度好食!!!

清蒸珍珠龍躉
魚肉嫩又鮮
雖然大大條,肉質仍保持鮮味滑溜

油鹽水浸本灣肥蜆
想不到呢度食到既海鮮都十分鮮味新鮮,而且絕不欺場求其是但
呢碟肥蜆,真的好肥美
鹹度適中,不錯

海鮮菇浸翡翠苗
翡翠苗夠爽脆鮮綠
味道清新唔會膩
海鮮菇則爽口,很好食

鮑魚仔福建炒飯
整個飯口感豐富
鮑魚仔有嚼勁,飯的味十分夠又香軟糯
大大粒蝦仁加切粒蔬菜同炒
味美無窮

西蘭花炒珊瑚蝦球
老實說,個人最愛呢款,因有我愛吃的爽脆西蘭花
珊瑚蚌:好爽口,帶點煙韌
蝦球新鮮又大粒多肉
整體味道亦十分鮮又清淡,唔會做到過鹹,反而來得鮮甜

精美糕點:紅棗糕及椰汁斑蘭糕
煙韌帶香糯滑嘟嘟
最重要做到有味但又唔係甜,難得

西瓜
當然夠新鮮清甜雖未至於起"痧"但都不會淡
而且夠水,解渴解賦一流

原以為酒樓一般,想不到套餐抵食又好味,食物質素亦令我十分滿意
唔留意唔知,優惠期有限,想食自己識做喇!!!^^