款式奇多♡喜出望外@御滿屋

放題~

好多人話黎黎去去都係食個d野無特別

不過最近去左呢間既日本料理放題又覺得不錯!

無論食物,飲品及甜品款式出奇地多選擇,而且味道不錯,好平均!

裝潢方面,感覺華麗且舒適

單單前菜沙律就超過十種,自助形式

款式多得令人目不瑕給,多不勝數

仲有朱古力噴泉

最令我喜出望外

當然係飲品

款式同樣琳瑯滿目,揀到揀到眼花繚亂

特別係有呢枝hoegaarden rosee,酸甜,正

出面放題無得飲架,愛死!

由於小妹係小食多餐之人,加上愛試但唔食得多

所以食物份量亦叫得唔會多

好似呢款芝士軟殼蟹卷

款式外面食唔到,所以要試試

食物新鮮

軟殼蟹炸得香脆,配上濃郁芝士同吃口感又脆又香濃

而海膽手卷亦唔係間間放題食到

超鮮味,十分好吃,飯亦夠煙韌

想不到放題都絕不求其

牛油炒日本粟米

粒粒金黃,有嚼口又夠煙韌

味道清甜,香濃牛油香,好食

鮮甜多汁的燒有機菠蘿

多來一碟亦吃得下

刺身擺放精美

樣樣新鮮

色彩動人

三文魚,北海道帶子,北寄貝,章紅魚,吞拿魚及希靈魚

質感嫩又滑同時彈牙,味鮮十足

Zero汽水~係我食過咁多間,第一間有得飲!

右上角紫心香芋丸:外香脆,內香甜芋香流心,好香濃好味

燒蕃薯仔:燒得香而不膿,味道正常

還有各款甜品如乳酪果凍,芒果布甸,奶凍,芝士蛋糕

精緻且味道不錯,唔會太甜,口感軟滑

仲有和果子及紅豆卷等等都味道唔錢

唔膩又唔會太甜

生果都夠新鮮

仲有呢款雪糕,唔係經常係出面放題食到

所以亦只限每人一杯

如果可以再多一個就好了

呢到食物質素不錯,又夠多選擇

店員服務態度雖然唔係個個都好,但個別員工真的不錯

下次我會再來幫襯!

呢間算係我少數滿意的放題之一^^