跟朋友睇完戲後,係時候醫肚
剛好經曲此食肆,二人被其店名所吸住
而且裡面座無虛席,見咁多人食,一定好野啦!
決定等位!
好奇的我倆,想知道為何叫客棧,睇左其簡介後,終於知道因何因由?
原來其餐飲概念係想讓食客體驗餐館,茶樓及甜品屋三合為一
幾獨特喎
客棧予人乾淨整潔
連茶具都擺放得好細緻
看了看餐牌,決定先點個原盅藥材燉雞湯HKD158每盅
係呢個寒冬飲呢個湯,真係心入暖
食材夠豐富:鮮雞,玉竹,當歸,杞子,淮山,甘草,黨參,北芪,排骨,老雞,雞腳
份量充足
飲用此湯可以益脾潤肺,活血補氣
一盅原來夠3至5人飲用
真正原盅原汁原味
擺放同樣有架勢
湯有好香濃烈藥材味,入口有鮮雞清甜,
鹹度適中
原盅仲有半隻雞,完全滲透燉湯,雞肉依夠嫩滑
茶壺用鐵壺盛載茶葉茶,十足舊式茶樓客棧
茶葉夠靚,絕不求其
不過個人始終對花茶情有獨鍾
見有花茶選擇,當然要嘆一嘆
我呢款花茶可養顏,解熱及潤肺止咳
每位HKD26/per person
當中有一款好特別的花:勿忘我forget me not
再配上百合花,龍眼及菊花
材料十足
味清幽
茶杯精緻,成套一同飲用更覺舒適,本身喉嚨有點痛,飲後稍稍舒緩
而呢款招牌菜~家鄉鹵元蹄HKD118係必點
吃時刺激我的味蕾,吃後令我食癮大增
肉肥瘦適中
而且放於鍋中,高貴雅緻
除了色,香亦同樣出色,由於用了多款中式草藥及香料同熬制
如熟悉的八角,胡椒粒等
非常入味,口感熟嫩
肥肉入口即溶,瘦肉亦夠稔
完全不覺膩
有菜當然要點碗飯
飯亦煮得煙韌香糯HKD9
不過個人卻愛番薯粥HKD9
只有淡淡番薯清香,微甜
粥亦夠綿滑
色澤金黃
除了平常吃到的中菜,呢款黃金咸蛋蝦球夠曬特別
HKD128(s)
望上去好似烏巢載著數粒黃金蛋
唔睇菜譜,真不知原來內裡是蝦球
外面是咸蛋漿包裹大大粒蝦球,吃下一口,出奇地唔覺鹹
蝦球夠煙韌,啖啖肉,吃得出鮮蝦新鮮
咬一口,發覺原來由2粒大蝦炸成
十分落本足料
鮮味十足
客棧菜式特別,款式多,味道不錯
原來甜品亦同樣出色味美
椰子西米露湯圓(温)HKD28
份量唔算多,份量剛好,適合飯後來一碗
碗夠別緻袖珍
感覺典雅
椰汁好香滑,但唔會好甜
加上西米,有咬口
碗中的2粒湯圓係芝麻味,夠煙韌,滑嘟嘟
不過我個人較喜愛楊枝甘露(冷)HKD28
同樣以別緻小碗盛載
.色澤金黃
內裏有西米,西柚,點點芒果
味道有別於平常吃到的,反而入口有點微酸不太甜
開胃清新
入口柔滑,啖啖果肉,有口感
最驚喜西柚肉完全沒有苦澀味,只有點絲絲微酸
從來未吃過如此好的楊枝甘露
當下嫌其份量唔夠,想多點一碗呢^^
嗜甜的我倆,豈會放過客棧如此有特式好味的甜點
就係呢款'三色桂花班蘭糕(冷)HKD26
連甜品都如此精緻,味道更加有驚喜
廚師巧妙地將班蘭,桂花及椰子結合一起
中層是班蘭口味,外層則由椰汁糕及桂花杞子糕配上
入口冰涼韌滑
同樣唔會做得過甜,反而係清甜
無論咩角度影都好吸睛
何以如此出色? 為我當日的晚餐做個作結!
沒有留言:
張貼留言